28 ناۋرىز, 11:59 462 0 جاڭالىقتار اسىل تۇمار

الەم بويىنشا كوروناۆيرۋستان 25 مىڭ ادام كوز جۇمدى

سۋرەت عالامتوردان الىندى
سۋرەت عالامتوردان الىندى

كوروناۆيرۋس پاندەمياسى الەم بويىنشا 25 مىڭ ادامنىڭ ءومىرىن جالمادى. سونىڭ ىشىندە ەۋروپا قاتتى زارداپ شەكتى، ول جاقتا وسى دەرتتەن 17 314 ادام قازا تاپتى، – دەپ جازدى قازاقپارات ۆۆس-گە سىلتەمە جاساپ.

كوروناۆيرۋس سالدارىنان كوز جۇمعانداردىڭ سانى بويىنشا ءبىرىنشى ورىندا يتاليا (9 134), ودان كەيىن يسپانيا (4 934) مەن قىتاي (3 292) تۇر.

2019 جىلدىڭ جەلتوقسان ايىنان باستاپ الەم بويىنشا 600 مىڭعا جۋىق ادام كوروناۆيرۋس جۇقتىرعان.

قازىرگى ۋاقىتتا اقش كوروناۆيرۋس جۇقتىرعاندار سانى بويىنشا قىتايدى باسىپ وزدى، جۇما كۇنى اقش-تا كوروناۆيرۋس جۇقتىرعانداردىڭ سانى 100 مىڭنان اسىپ كەتتى. بۇل مەملەكەتتە 1300-دەن استام ادام كوز جۇمدى. پرەزيدەنت دونالد ترامپ كوروناۆيرۋس پاندەمياسى سالدارىمەن كۇرەسۋ ءۇشىن ترلن دوللار ءبولۋ تۋرالى شەشىم قابىلدادى.

وتكەن تاۋلىكتە يتاليادا كوروناۆيرۋستان كوز جۇمعاندار سانى 969-عا جەتتى. يتاليا بيلىگى جاڭادان اۋىرعاندار سانى ازايىپ كەلە جاتقانىن، بىراق كوز جۇماتىندار سانى بۇدان دا كوپ بولۋى مۇمكىن ەكەنىن ايتادى. بۇل مەملەكەتتە ءبىر تاۋلىكتە اۋرۋ جۇقتىرعاندار سانى 712-گە جەتكەن. يتاليا باتىس مەملەكەتتەرى ىشىندە العاشقى بولىپ قاتاڭ كارانتين رەجيمىن ەنگىزدى جانە ادامداردىڭ ۇيدەن شىعۋىن شەكتەدى. اتالعان مەملەكەتتە كوروناۆيرسۋتان كوز جۇمعاندار سانى 4 934 ادامعا جەتتى.

يسپانيادا اۋرۋ جۇقتىرعان 64 059 جاعداي انىقتالدى. بۇل بۇعان دەيىنگى كورسەتكىشپەن سالىستىرعاندا 7871-گە كوپ. بۇل مەملەكەتتە توتەنشە جاعداي رەجيمى 12 ساۋىرگە دەيىن سوزىلىپ، ەلدەگى دۇكەندەردىڭ، مەكەمەلەردىڭ جانە كومپانيالاردىڭ باسىم بولىگى جابىلدى. يسپانيانىڭ دەنساۋلىق ساقتاۋ ءمينيسترى جاعداي قالىپقا كەلە جاتقانىن ايتتى.

سوڭعى جاڭالىقتار