28 ناۋرىز, 11:34 1242 0 جاڭالىقتار اسىل تۇمار

يسپانيا حانشايىمى كوروناۆيرۋستان قايتىس بولدى

سۋرەت عالامتوردان الىندى
سۋرەت عالامتوردان الىندى

يسپانيا كورولى VI ءفيليپپتىڭ تۋىسى ماريا تەرەزا بۋربون-پارما 86 جاسىندا كوروناۆيرۋستان قايتىس بولدى. بۇل تۋرالى ونىڭ اعاسى سيكست-گەنريح بۋربون-پارما ەستىرتتى، – دەپ جازدى ريا نوۆوستي.

حانشايىم ءوزىن ۇيىندە وقشاۋلانۋعا قانشا تىرىسقانىمەن ۆيرۋس جۇقتىرعان.

سيكست-گەنريحتىڭ Facebook-تەگى جازباسىندا: «بەيسەنبى، 26 ناۋرىزدا پاريجدە 86 جاسىندا ماريا تەرەزا بۋربون-پارما جانە بۋربون-بيۋسسەتس قايتىس بولدى، ول كوروناۆيرۋس COVID-19-دىڭ قۇربانى بولدى»، – دەلىنگەن.

ماريا تەرەزا بۋربون-پارما – يسپانيا كورولى VI ءفيليپپتىڭ تۋىسى. ونىڭ اتا-بابالارى يتالياداعى پارما گەرتسوگتىگىن بيلەگەن، سودان كەيىن ليۋكسەمبۋرگتى باسقارعان.

مونارحيانىڭ وكىلى رەتىندە ول باسقارۋدىڭ وسى ءتۇرىن قولداي وتىرىپ، كاپيتاليزمگە قارسى شىققان، ونىڭ ويىنشا، سوتسياليزمگە قاراي قوزعالۋ كەرەك. بۇل ءۇشىن ونى ءتىپتى «قىزىل حانشايىم» دەپ اتاعان.

قازىرگى ۋاقىتتا يسپانيا كوروناۆيرۋس قۇرباندارى مەن انىقتالعان جاعدايلار بويىنشا يتاليادان كەيىن ەۋروپادا ەكىنشى ورىندا تۇر: ەلدە ۆيرۋس جۇقتىرعاندار سانى 64 مىڭنان استى، 4,9 مىڭ ادام قايتىس بولدى.

يسپانيا بيلىگى 14 ناۋرىزدا ادامداردىڭ قوزعالىسىن شەكتەي وتىرىپ، 15 كۇنگە جوعارى دايىندىق رەجيمىن ەنگىزدى، 26 ناۋرىزدا پارلامەنت ونى 11 ساۋىرگە دەيىن ۇزارتتى.

سوڭعى جاڭالىقتار