27 ناۋرىز, 17:17 3876 0 دەنساۋلىق انار لەپەسوۆا

باس سانيتار كوروناۆيرۋستان كوز جۇمعانداردى جەرلەۋ تۋرالى قاۋلى شىعارادى

باس سانيتارلىق دارىگەر كوروناۆيرۋستان قايتىس بولعانداردى جەرلەۋ تۋرالى ارنايى قاۋلى شىعارادى. بۇل تۋرالى قر اقپارات جانە قوعامدىق دامۋ ءمينيسترى داۋرەن اباەۆ «حابار 24» تەلەارناسىنىڭ تىكەلەي ەفيرىندە حابارلادى.

«كوروناۆيرۋستان ادام قايتىس بولۋىنا بايلانىستى جۋرناليستەر مارقۇمدى قالاي جەرلەۋ كەرەكتىگى تۋرالى سۇراپ جاتىر. بۇگىن كەشكە نەمەسە ەرتەڭ تاڭەرتەڭ باس سانيتارلىق دارىگەردىڭ رەسمي قاۋلىسى شىعادى. وندا قاتاڭ ساقتالۋى كەرەك ەرەجەلەر كورسەتىلەدى. دارىگەرلەر ايتقان تالاپتاردى قاتاڭ ساقتاۋ قاجەتتىگى تۋرالى قازاقستان مۇسىلماندارى ءدىني باسقارماسى مەن پراۆوسلاۆيە شىركەۋى ءتيىستى ءپاتۋا مەن ەسكەرتۋلەر ازىرلەدى»، - دەدى مينيستر.

ايتا كەتەيىك، ەلىمىزدە كوروناۆيرۋس ينفەكتسياسىن جۇقتىرعاندار سانى 125 ادامعا جەتتى. نۇر-سۇلتان قالاسى بويىنشا ىندەتكە شالدىققان 60 ادام، الماتى قالاسىندا – 48 ادام، قاراعاندى قالاسىندا - 4, جامبىل وبلىسىندا -3 ادام، اتىراۋ وبلىسى - 3 ادام، شىمكەنت قالاسىندا - 2 ادام، الماتى وبلىسىندا - 1 ادام، اقتوبە وبلىسىندا - 1 ادام، سولتۇستىك قازاقستان وبلىسىندا - 1 ادام، اقمولا وبلىسىندا - 1 ادام، پاۆلودار وبلىسىندا - 1 ادام تىركەلدى. 

سوڭعى جاڭالىقتار