27 ناۋرىز, 16:07 888 0 ىشكى ساياسات انار لەپەسوۆا

توتەنشە جاعداي: قازاقستاندىقتار ااك-ءتى مەملەكەتتىك مەكەمەلەرگە جۇگىنبەي الا الادى

اعىمداعى جىلدىڭ ءساۋىر ايىنان باستاپ قازاقستاندىقتار توتەنشە جاعداي كەزىندە مەملەكەتتىك ورگاندارمەن بايلانىسسىز اتاۋلى الەۋمەتتىك كومەكتى (بۇدان ءارى – ااك) الا باستايدى، دەپ حابارلايدى coronavirus2020.kz.

الەۋمەتتىك كومەكتى قايتا تاعايىنداۋ ءۇشىن مەملەكەتتىك ورگانداردىڭ اقپاراتتىق بازالارى ارقىلى دەرەكتەردى تەكسەرۋ جۇرگىزىلەدى، اتاپ ايتقاندا تۇرعىلىقتى جەرى بويىنشا تىركەۋ، جىلجىمايتىن مۇلىكتىڭ بار-جوعى، كىرىستەر جانە ت.ب. ەگەر وتباسى قۇرامى وزگەرمەگەن جاعدايدا، تاعايىنداۋعا ءوتىنىش قولدا بار دەرەكتەر نەگىزىندە قالىپتاستىرىلاتىن بولادى. بۇل ءۇشىن حالىقتى جۇمىسپەن قامتۋ ورتالىقتارىنىڭ قىزمەتكەرلەرى 1-توقساندا ااك العان ازاماتتار ءۇشىن ءوز بەتىنشە ءوتىنىش جاسايدى جانە ااك تاعايىنداۋ ولشەمدەرىنە سايكەستىگىن تەكسەرەدى.

بارلىق اقپارات، سونداي-اق حابارلامالار ەلەكتروندىق پوشتا نەمەسە مەسسەندجەرلەر ارقىلى جىبەرىلەتىن بولادى.

1-توقساندا اتاۋلى الەۋمەتتىك كومەك الماعان ازاماتتارعا ااك تاعايىنداۋ ءۇشىن egov.kz پورتالى ارقىلى ءوتىنىش جىبەرۋ قاجەت. ءارى قاراي جۇمىسپەن قامتۋ ورتالىقتارىنىڭ قىزمەتكەرلەرى قۇجاتتاردى مەملەكەتتىك ورگانداردىڭ مالىمەتتەر بازاسىندا تەكسەرىپ، ناتيجەسىن ەلەكتروندىق پوشتا نەمەسە مەسسەندجەرلەر ارقىلى حابارلايدى.

بۇل رەتتە ۋچاسكەلىك كوميسسيالار كوشپەلى تەكسەرۋلەر جۇرگىزبەيدى. بارلىق قاجەتتى قۇجاتتاردى ازاماتتاردان ەلەكتروندىق پوشتا ارقىلى نەمەسە مەسسەندجەرلەر ارقىلى سۇراتاتىن بولادى.

ەستەرىڭىزگە سالا كەتەيىك، اعىمداعى جىلدىڭ باسىنان بەرى ااك الۋشىلار 102,4 مىڭ وتباسى نەمەسە 527,6 مىڭ ادام بولدى. ااك الۋشىلاردىڭ 41,5 %-ىن كوپبالالى وتباسىلار قۇرايدى.

سوڭعى جاڭالىقتار