27 ناۋرىز, 12:30 2629 0 زاڭ انار لەپەسوۆا

گەرمانياعا جەكە ۇشاقپەن بارىپ كەلگەن سوت توراعاسىنىڭ ءىسى تەكسەرىلۋدە

نۇر-سۇلتان قالاسى سىبايلاس جەمقورلىققا قارسى كۇرەس قىزمەتى قر جوعارعى سوتىنىڭ ىشكى قاۋىپسىزدىگىمەن بىرلەسە نۇر-سۇلتان قالاسى سوت توراعاسى تىلەكتەس بارپيباەۆقا قاتىستى جايتتى تەكسەرۋدى باستادى. 

"تەكسەرۋ بارىسىندا جەكە ۇشاقتى بيزنەسمەننىڭ جالداعانى انىقتالدى. اتالعان بيزنەسمەن بارپيباەۆتىڭ (قۇداسى) تۋىسى بولىپ وتىر. ۇشاق گەرمانيادا مەديتسينالىق وپەراتسيا جاساۋ ءۇشىن جالدانعان. بۇل تۇرعىدا جوعارعى سوت كوميسسياسى بارپيباەۆتىڭ سۋديا ەتيكاسى تالاپتارىن ساقتاۋىن تەكسەرۋدە. تەكسەرۋ ناتيجەسى بويىنشا ءتيىستى شەشىم قابىلدانادى", - دەلىنگەن حابارلامادا.

ەسكە سالا كەتەيىك، 13 ناۋرىزدا گەرمانيادا قازاقستان ازاماتى كوروناۆيرۋستىڭ جاڭا ءتۇرىن جۇقتىردى دەگەن راستالعان بولاتىن.

"گەرمانياداعى قازاقستان ەلشىلىگىندەگى ديپلوماتتارىمىزدىڭ بىرىنە اتا-اناسىنىڭ قوناققا بارعانىن راستايمىز. ولار ەۋروپادا جەكە ساپارمەن جۇرگەن. بىرنەشە كۇننەن كەيىن ديپلوماتتىڭ اكەسىنەن كوروناۆيرۋس جۇقتىرۋ بەلگىلەرى بايقالىپ، اۋرۋحاناعا جاتقىزىلدى", - دەگەن بولاتىن قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ.

كەيىننەن بەيرەسمي اقپارات كوزدەرىندە بۇل ازامات نۇر-سۇلتان قالالىق سوت توراعاسى تىلەكتەس بارپيباەۆ ەكەنى جاريالاندى.

سوڭعى جاڭالىقتار