27 ناۋرىز, 12:04 1071 0 جاڭالىقتار انار لەپەسوۆا

كوروناۆيرۋستان كوز جۇمعان ايەلگە قاتىستى جاڭا دەرەكتەر جاريالاندى

سۋرەت عالامتوردان الىندى
سۋرەت عالامتوردان الىندى

ەلىمىزدە كوروناۆيرۋستان كوز جۇمعان ايەل اقمولا وبلىسىنىڭ تۇرعىنى بولعان. مارقۇمعا قاتىستى دەرەكتەر وبلىستىق دەنساۋلىق ساقتاۋ باسقارماسىنىڭ ءباسپاسوز ءماسليحاتىندا جاريالاندى. 

مامانداردىڭ ايتۋىنشا، 64 جاستاعى ايەل 25 ناۋرىزدا تاڭعى 7-دە اۋىر جاعدايدا اۋرۋحاناعا تۇسكەن. ودان كەيىن جەكە وقشاۋلانىپ، جانساقتاۋ بولىمىنە جاتقىزىلعان. دارىگەرلەردىڭ ەم-دومى ناۋقاستىڭ جاعدايىن وڭالتا الماعان.  

تۋىستارىنىڭ سوزىنشە، مارقۇم جرۆي جانە كۆي جۇقتىرعان ناۋقاستارمەن بايلانىستا بولماعان، شەتەلگە شىقپاعان. 13 ناۋرىز بەن 17 ناۋرىز ارالىعىندا ايەل ادام الماتى مەن شۋ قالالارىندا قوناقتا بولعان.

بايلانىستا بولعان ادامدار اۋرۋحاناعا جاتقىزىلىپ، تەكسەرىستەن ءوتتى. مارقۇم تۇرعان قوسشى اۋىلىنداعى جەكە ۇيدە جەرلەۋ ءراسىمى وتكىزىلگەن سوڭ زالالسىزداندىرۋ جۇمىستارى جۇرگىزىلەدى.

ەسكە سالساق، كەشە ەلىمىزدە كوروناۆيرۋستان كوز جۇمۋدىڭ العاشقى دەرەگى تىركەلدى

سوڭعى جاڭالىقتار