27 ناۋرىز, 11:22 517 0 قوعام ارايلىم بيمەنديەۆا

الماتىدا زارارسىزداندىرىلعان نىساندار اتالدى

سۋرەت: tengrinews.kz
سۋرەت: tengrinews.kz

الماتىدا قارۋلى كۇشتەردىڭ اسكەري قىزمەتشىلەرى كوشەلەردى، عيماراتتاردى جانە قوعامدىق ورىنداردى زارارسىزداندىرۋ جۇمىستارىن كەڭىنەن جۇرگىزىپ جاتىر، – دەپ حابارلايدى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ءباسپاسوز قىزمەتى.

قالاداعى زارارسىزداندىرۋ جۇمىستارىنا الماتى گارنيزونىنان بارلىعى 2 000-عا جۋىق اسكەري قىزمەتشىلەر تارتىلعان. بۇگىنگى كۇنگە دەيىن ارنايى بولىمشەلەر الماتى قالاسى بويىنشا مەكتەپ، بالاباقشا، بالالار الاڭقايى، ەمحانا جانە تەرمينال سىندى 284 نىساندى زارارسىزداندىردى.

قازىرگى تاڭدا قر قك ارنايى بولىمشەلەرى اۆتوبۋس ايالدامالارى، جاياۋ جۇرگىنشىلەر جولى مەن اۆتوكولىكتەردىڭ تۇراقتارىن زارارسىزداندىرۋعا كىرىسكەن. ءىس-شارالاردى جۇرگىزۋ ءۇشىن جەكە قۇرام ارنايى تەحنيكامەن، گازسىزداندىرۋ قورعانىس جيىنتىعىمەن جانە زاراسىزداندىرۋشى ەرىتىندىلەرمەن قامتاماسىز ەتىلگەن.

«ءبىزدىڭ باستى ماقساتىمىز – ينفەكتسيانىڭ تارالۋىن توقتاتۋ. كوروناۆيرۋستىڭ جاڭا ءتۇرى اۋادا 3 ساعاتتان استام ۋاقىت، ال زاتتاردىڭ ۇستىندە 48 ساعات ءومىر سۇرەدى جانە اۋا-تامشى جولىمەن جۇعۋ قاۋىپى جوعارىلايدى. سوندىقتان كوشەلەر مەن قوعامدىق ورىنداردى زارارسىزداندىرۋ – كوروناۆيرۋسپەن كۇرەسۋ كەزىندەگى ماڭىزدى جۇمىستىڭ بولىگى بولىپ تابىلادى. بۇگىنگى تاڭدا ءبىزدىڭ بولىمشەمەن جالپى كولەمى 1 ملن 329 م2 قۇرايتىن 81 نىسان زارارسىزداندىرىلدى، اتالعان جۇمىسقا 500-گە جۋىق ادام جانە 24 «ارس-14» اۆتوقۇيىلمالى ستانتسيالارى تارتىلدى»، – دەدى مايور الماس قاسىمحانوۆ.

الماتى قالاسىنىڭ اينالاسىندا قويىلعان 21 بلوكبەكەتتەرىندە كارانتين رەجيمىن قامتاماسىز ەتۋ بويىنشا ءىس-شارالارىنىڭ اياسىندا 230-عا جۋىق اسكەري قىزمەتشى قىزمەت اتقارىپ جۇرگەندەرىن اتاپ وتكەن ءجون.

سوڭعى جاڭالىقتار