27 ناۋرىز, 11:40 373 0 زاڭ انار لەپەسوۆا

الماتىدا قوقىس تاسيتىن كولىكپەن بلوكبەكەتتەن ادام وتكىزبەك بولعان جۇرگىزۋشى جازالاندى

الماتىدا بلوكپوستان ادام وتكىزبەك بولعان قوقىس تاسيتىن كولىك جۇرگىزۋشىسى ۇستالدى. بۇل تۋرالى الماتى قالالىق پوليتسيا دەپارتامەنتى حابارلادى. 

دەپارتامەنت دەرەگىنە سۇيەنسەك، تۇنگى ساعات ەكى شاماسىندا اقىن سارا مەن اقساي كوشەلەرىنىڭ قيىلىسىندا ورنالاسقان №7 باقىلاۋ-وتكىزۋ پۋنكتىندە 1994 جىلى تۋعان ل.ەسىمدى ازاماتتىڭ باسقارۋىمەن قوقىس تاسيتىن كولىك قۇرالى تەكسەرىلدى، انىقتالعانداي، كولىكتە جولاۋشى رەتىندە الماتى وبلىسىنىڭ 19 جاستاعى تۇرعىنى بولعان.

«جۇرگىزۋشى مۇنى اقشالاي سىياقى ءۇشىن جاسادى. الايدا، ارەكەت ءساتسىز اياقتالدى. ولار ۇستالدى. قازىرگى ۋاقىتتا جۇرگىزۋشىگە دە، ونىڭ جولاۋشىسىنا دا قاتىستى قر اقبك-ءنىڭ 476-بابى بويىنشا قۇقىق بۇزۋشىلىق نەگىزىندە اكىمشىلىك ءىس قوزعالدى. ازاماتتارعا تاعى دا توتەنشە جاعداي ەرەجەلەرىن قاتاڭ ساقتاۋدى ەسكەرتۋ قاجەت. بۇل نورمالاردى ەلەمەگەندەرگە، كەم دەگەندە 10 اەك مولشەرىندە ايىپپۇل، ەڭ كوبى 15 تاۋلىككە اكىمشىلىك قاماۋعا الىنادى»، - دەيدى الاتاۋ اۋداندىق پوليتسيا باسقارماسىنىڭ باستىعى ۇلان ابىلقايىر.

 

سوڭعى جاڭالىقتار