27 ناۋرىز, 11:17 634 0 دەنساۋلىق انار لەپەسوۆا

الماتىدا كوروناۆيرۋستىڭ 20 وشاعى باقىلاۋعا الىندى

الماتىدا كوروناۆيرۋستىڭ 20 وشاعى انىقتالىپ، كارانتينگە جابىلدى. بۇل تۋرالى الماتى قالاسى تاۋارلار مەن قىزمەتتەردىڭ ساپاسىن باقىلاۋ دەپارتامەنتى حابارلادى.

ىندەن وشاقتارى دەپ تانىلعان ۇيلەردىڭ كىرەبەرىستەرىنە كۇشەيتىلگەن دەزينفەكتسيالىق رەجيم ەنگىزىلدى، باسقا ۇيلەردىڭ تۇرعىندارىنىڭ قوزعالىسى مەن كىرۋىنە شەكتەۋ قويىلدى.

اۋەزوۆ اۋدانىندا  2 ىندەت جۇقتىرۋ وشاعى ­ – جەتىسۋ-2 ىقشاماۋدانى، 70ا;  مامىر – 4 ىقشاماۋدانى، 313 مەكەن-جايىندا ورنالاسقان. 

الاتاۋ اۋدانىندا 5 ىندەت وشاعى – زاريا-ۆوستوك ىقشاماۋدانى،  سارى-وي كوشەسى، 234; اقكەنت ىقشاماۋدانى، 7; اقبۇلاق ىقشاماۋدانى، 9- دە ورنالاسقان. 

المالى اۋدانى بويىنشا 3 وشاق –  جەلتوقسان كوشەسى، 125; جاروكوۆ كوشەسى، 16; جاروكوۆ كوشەسى، 7-دە ورنالاسقان. 

مەدەۋ اۋدانىندا 4 وشاق تىركەلدى. ولار زەنكوۆ كوشەسى، 59; دوستىق كوشەسى، 162; گوگول كوشەسى، 75; قوناەۆ كوشەسى، 62-دە. 

جەتىسۋ اۋدانىندا – 2 وشاق بار: ەڭلىكگۇل، 34ا، ۆولوچاەۆسكايا كوشەسى، 51. 

تۇركسىب اۋدانىندا 5 وشاق تىركەلگەن: التاي-1, 8; «جاس قانات» ىقشاماۋدانى، 86; مايلين كوشەسى، 77; سپاسسكايا ك-ءسى، 63;  جۇلدىز-2 ىقشاماۋدانى، 45. 

بوستاندىق اۋدانىندا – 1 وشاق تۇرعىت-وزال كوشەسى، 242 مەكەن-جايىندا. 

ايتا كەتەيىك، الماتىداعى ءبىرىنشى بولىپ ىندەت وشاعى رەتىندە قورشاۋعا الىنعان  زەنكوۆ كوشەسى، 59 مەكەن-جايىنان 27 ناۋرىز، ساعات 00:00-دەن باستاپ شەكتەۋ شارالارى الىندى. مۇنداعى تۇرعىننىڭ كوروناۆيرۋس ينفەكتسياسىنان ەمدەلىپ شىققانى بۇعان بەيىن حابارلانعان. اتالعان ەمدەلۋشى 14 كۇن ءۇي كارانتينىندە بولادى، مەديتسينا قىزمەتكەرلەرى دەنساۋلىق جاعدايىنا مونيتورينگ  جۇرگىزەدى.

سوڭعى جاڭالىقتار