27 ناۋرىز, 10:49 621 0 دەنساۋلىق انار لەپەسوۆا

جامبىل وبلىسىندا كوروناۆيرۋس جۇقتىرعان ءۇشىنشى ناۋقاس قىرعىزستاننان كەلگەن

جامبىل وبلىسىندا تىركەلگەن كوروناۆيرۋسقا شالدىعۋدىڭ ءۇشىنشى وقيعاسىنا قاتىستى مالىمەتتەر جاريالاندى، دەپ حابارلايدى  coronavirus2020.kz.

«ناۋقاستانعان قورداي اۋدانىنىڭ 1996 جىلعى تۇرعىنى 24 ناۋرىزدا قىرعىزستان رەسپۋبليكاسىنان كەلگەن. بەلگىلەنگەن الگوريتم بويىنشا بويجەتكەن كارانتيندىك ستاتسيونارعا جاتقىزىلدى. زەرتحانالىق تالداۋ ناتيجەلەرى كوروناۆيرۋستىڭ وڭ ناتيجەسىن كورسەتتى»، - دەلىنگەن اقپاراتتا.

پاتسيەنت ينفەكتسيالىق ستاتسيونارعا جاتقىزىلعان.

«جاعدايى – قاناعاتتانارلىق. دەنە قىزۋىنىڭ جوعارىلاۋى جانە كوروناۆيرۋستىڭ وزگە بەلگىلەرى بايقالمايدى. كوروناۆيرۋس ينفەكتسياسىنا دياگنوستيكا جانە ونى ەمدەۋ بەكىتىلگەن حاتتاما بويىنشا جۇزەگە اسىرىلۋدا. قارىم-قاتىناستا بولعان تۇلعالار انىقتالىپ، كارانتينگە الىندى. ولاردىڭ اناليزدەرىنە تالداۋ جاسالۋدا»، - دەلىنگەن ءباسپاسوز مالىمەتىندە.

ەسكە سالا كەتسەك، جامبىل وبلىسىندا ىندەتكە شالدىعۋدىڭ العاشقى جاعدايى 24 ناۋرىزدا تىركەلدى. ول - جامبىل وبلىسى شۋ اۋدانىنىڭ تۇرعىنى. وڭىرگە قىرعىزستان رەسپۋبليكاسىنان كەلگەن. 24 ناۋرىز كۇنى وبلىستىق كارانتيندىك ستاتسيونارعا جاتقىزىلدى.

كەسەل جۇقتىرۋدىڭ ەكىنشى دەرەگى  26 ناۋرىز كۇنى انىقتالدى. ينفەكتسيا قورداي اۋدانىنىڭ 1974 جىلعى تۇرعىنىنان تابىلدى. ول ءبىر كۇن بۇرىن وتباسىمەن بىرگە قىرعىزستاننان كەلگەن. جانۇيانىڭ بەس مۇشەسى دە شەكارادان وتە سالىسىمەن وقشاۋلانىپ، كارانتيندىك ستاتسيونارعا جاتقىزىلدى.

 

سوڭعى جاڭالىقتار