27 ناۋرىز 2020, 09:00 645 0 دەنساۋلىق انار لەپەسوۆا

قىتايدان اسىپ ءتۇستى: اقش-تا 82 مىڭنان استام ادام كوروناۆيرۋس جۇقتىردى

اقش-تا كوروناۆيرۋس جۇقتىرعاندار سانى 82 040 ادامعا جەتتى. امەريكاداعى ىندەت جۇقتىرۋ دەرەكتەرى قىتايداعى كورسەتكىشتەن اسىپ كەتتى. قحر-دا 81782 ناۋقاس تىركەلگەن.

ۆۆس اگەنتتىگىنىڭ حابارلاۋىنشا، دونالد ترامپ ەلدىڭ كوروناۆيرۋس جۇقتىرۋ وقيعالارى بويىنشا الەمدە الدىڭعى ورىنعا شىعۋىن تۇرعىندارىڭ جاپپاي تەستىلەۋدەن وتكىزىلۋىمەن بايلانىستىرىپ وتىر. نيۋ-يوركتىڭ وزىندە عانا اۋرۋ جۇقتىرعان 30 مىڭنان استام ادام تىركەلدى. كەسەلگە شالدىعۋ وقيعالارى ەلدىڭ بارلىق 50 شتاتىندا تىركەلگەن، ودان كوز جۇمعاندار سانى 1000 ادامعا جەتتى.

بۇعان دەيىن اقش سەناتى ەل ەكونوميكاسىن قولداۋ ءۇشىن ەكى تريلليون دوللار ءبولۋ تۋرالى زاڭ جوباسىن قابىلداعان. بۇل امەريكا تاريحىندا ۇكىمەت كورسەتىپ وتىرعان ەڭ كولەمدى پاكەت – اقش-تىڭ ءاربىر ەرەسەك تۇرعىنى 1200 دوللار كولەمىندە بىرجولعى كومەك الاتىنى شامالانعان.

سونداي-اق، شاعىن كومپانيالارعا جالاقى تولەۋدى قامتاماسىز ەتۋگە مۇمكىندىك بەرەتىن قارجىلىق دەمەۋ كورسەتۋ قاراستىرىلعان. اقش-تا كوروناۆيرۋس ىندەتى ورشىگەننەن كەيىن جۇمىسسىز ادامداردىڭ سانى ارتىپ، 3,3 ميلليونعا جەتتى.

 

سوڭعى جاڭالىقتار