26 ناۋرىز, 19:16 1376 0 دەنساۋلىق انار لەپەسوۆا

كوروناۆيرۋستى انىقتايتىن جەدەل تەست باعاسى جاريالاندى

جەكەمەنشىك كلينيكالىق-دياگنوستيكالىق ورتالىق ەلىمىزدە كوروناۆيرۋستى انىقتاۋعا ارنالعان جەدەل تەست باعاسىن جاريا ەتتى.

قازاقپاراتتىڭ حابارلاۋىنشا، «ءسابي» قورىنىڭ قايىرىمدىلىق كومەگى اياسىندا ەڭ الدىمەن تاۋەكەل توبىنا كىرەتىن پاتسيەنتتەرگە تەگىن جەدەل تەست جۇرگىزۋ جوسپارلانىپ وتىر. ول ءۇشىن تاياۋ ۋاقىتتا سايتتا ارنايى ساۋالنامانى تولتىرۋ قاجەت. ەپيدەميولوگتار ساۋالنامالاردى وڭدەپ بولعاننان كەيىن تاۋەكەل فاكتورى بار پاتسيەنتتەر تەستتەن وتۋگە شاقىرىلادى»، – دەپ اتاپ ءوتتى اتالعان زەرتحانا ماماندارى.

تاراتىلعان اقپاراتتا جەدەل تەستىلەردىڭ العاشقى توپتاماسى قازاقستانعا جەتكىزىلىپ، نۇر-سۇلتان مەن الماتى قالالارىنا 50 مىڭنان بەرىلەدى. تەگىن تەستىلەۋ جاسالىپ بولعاننان كەيىن قازاقستاننىڭ بارلىق قالاسىندا اقىلى تۇردە جەدەل تەستىلەۋ جۇرگىزىلەدى.

ونىڭ بولجامدى قۇنى 4 مىڭنان 5 مىڭ تەڭگەگە دەيىن بولادى. اقىلى تەستىلەۋدىڭ قاشان باستالاتىندىعى قوسىمشا حابارلانباق.

سوڭعى جاڭالىقتار