26 ناۋرىز, 17:53 219 0 الەۋمەت انار لەپەسوۆا

Birgemiz: Damu Logistics اكتسيونەرى كوروناۆيرۋسپەن كۇرەسكە 30 ملن تەڭگە ءبولدى

ەلدەگى توتەنشە جاعداي رەجيمىنە بايلانىستى قازاقستاندىق كومپانيالار مەملەكەت قابىلداعان شەكتەۋ شارالارىن قاتاڭ ورىنداپ، كۇردەلى كەزەڭدە ءوز قىزمەتكەرلەرىنىڭ دەنساۋلىعى مەن الەۋمەتتىك جاعدايىن قورعاۋعا بارىنشا كۇش سالۋدا.

مەملەكەت باسشىسىنىڭ تاپسىرماسى بويىنشا ەكونوميكالىق قيىندىقتارعا قاراماستان جۇمىس ورىندارىنىڭ ساقتالۋىنا ايرىقشا كوڭىل ءبولىپ جاتقان كاسىپورىنداردىڭ ءبىرى – Damu Logistics يندۋستريالدى-لوگيستيكالىق كومپانياسى.

كومپانيا ءوز قىزمەتكەرلەرىن قورعانىس قۇرالدارىمەن تولىق قامتاماسىز ەتتى. ساقتىق شارالارىن كۇشەيتكەن كاسىپورىن جۇمىسشىلارىنىڭ الەۋمەتتىك قورعالۋىن دا نازاردان تىس قالدىرعان جوق. جىل باسىندا جالاقىلارى كوبەيگەن كومپانيا قىزمەتكەرلەرى ەڭبەكاقىلارىنا ۋاقىتىلى قول جەتكىزىپ، ءتۇرلى الەۋمەتتىك جەڭىلدىكتەردىڭ دە يگىلىگىن كورۋدە.

Damu Logistics ەلباسىنىڭ ەلدەگى ءىرى بيزنەس وكىلدەرىنە جولداعان ۇندەۋىنە دە ءۇن قوستى. كاسىپورىننىڭ ءباسپاسوز قىزمەتىنىڭ حابارلاۋىنشا، كومپانيا اكتسيونەرى ساكەن تويلىباەۆ كوروناۆيرۋسپەن كۇرەس جۇمىستارىنا ارنالعان Birgemiz قورىنا 30 ملن تەڭگە اۋداردى.

«مۇنداي ساتتە ەشكىم ورتاق ىستەن سىرت قالماۋى كەرەك. «جۇمىلا كوتەرگەن جۇك جەڭىل» دەمەكشى، بۇل دا وتپەلى كەزەڭ»، – دەدى ساكەن تويلىباەۆ.

سوڭعى جاڭالىقتار