26 ناۋرىز, 12:38 501 0 ساياسات انار لەپەسوۆا

دونالد ترامپ قازاقستان حالقىن ناۋرىز مەيرامىمەن قۇتتىقتادى

اقش پرەزيدەنتى دونالد ترامپ قازاقستان پرەزيدەنتى قاسىم-جومارت توقاەۆتى جانە بارشا قازاقستاندىقتاردى ناۋرىز مەرەكەسىمەن قۇتتىقتاپ، ارنايى حات جولدادى. 

"سىزگە، ءسىزدىڭ وتباسىڭىزعا جانە قازاقستان حالقىنا قۋانىشتى دا باقىتتى ناۋرىز تىلەيمىن. اقش-تا، قازاقستاندا جانە بۇكىل الەمدە ناۋرىز بىرلىك، مەيىرىمدىلىك، جاڭارۋ مەرەكەسى بولا وتىرىپ، ادامداردى دوستىققا بىرىكتىرەتىن مەيرام", - دەلىنگەن اقش باسشىسى جولداعان حاتتا.

دونالد ترامپ قازاقستان مەن اقش-تىڭ ىنتىماقتاستىعىن نىعايتا تۇسۋگە مۇددەلى ەكەنىن جەتكىزدى.

"بيىلعى جىلى ءبىز ۇلكەن ەكونوميكالىق دامۋعا قول جەتكىزدىك. ءسىزدىڭ امەريكاندىق بيزنەس ءۇشىن قولايلى بولىپ تابىلاتىن رەفورمالار جۇرگىزىپ وتىرعانىڭىزعا قۋانىشتىمىن. سونداي-اق، ءبىز اۋعانستانعا بەيبىتشىلىك ورناتۋ باعىتىندا جۇمىستار اتقارۋدامىز. مەن ەكى ەل اراسىنداعى تىعىز ىنتىماقتاستىق ءۇشىن بولاشاق مۇمكىندىكتەردى جاساۋعا نيەتتى ەكەنىمدى بىلدىرەمىن", - دەپ جازدى اقش باسشىسى.

 

سوڭعى جاڭالىقتار