26 ناۋرىز, 11:02 1096 0 ىشكى ساياسات انار لەپەسوۆا

توتەنشە جاعداي: 65 جاستان اسقان دەپۋتاتتار ءماجىلىس وتىرىسىنا قاتىسپايدى

بۇگىنگى پارلامەنت ءماجىلىسىنىڭ جالپى وتىرىسىنا جاسى 65-تەن اسقان دەپۋتاتتار قاتىسقان جوق. بۇل تۋرالى پالاتا سپيكەرى نۇرلان نىعماتۋلين مالىمدەدى. 

«بۇگىنگى جالپى وتىرىس ءبىرشاما وزگەرگەن فورماتتا ءوتىپ جاتىر. ءبىزدىڭ كەيبىر ارىپتەستەرىمىز قاتىسىپ وتىرعان جوق، الايدا الاڭداۋدىڭ رەتى جوق، ولاردىڭ بارلىعى امان-ەسەن. اتاپ ايتقاندا، كەيبىر ارىپتەستەرىمىزدىڭ جاسى 65-تەن اسقان. دۇنيەجۇزىلىك دەنساۋلىق ساقتاۋ ۇيىمىنىڭ نۇسقاۋىنا سايكەس، ولارعا جالپى وتىرىسقا قاتىسپاۋ تۋرالى كەڭەس بەردىك»، - دەدى ءماجىلىس توراعاسى نۇرلان نىعماتۋلين.

وسى ورايدا ول جينالعان دەپۋتاتتاردىڭ سانى جالپى وتىرىستى مۇنداي فورماتتا وتكىزۋگە مۇمكىندىك بەرەتىنىن جەتكىزدى.

«ەندى جالپى وتىرىستارعا ءاربىر زاڭ جوباسى بويىنشا تەك دەپۋتاتتار مەن نەگىزگى بايانداماشىلار قاتىسادى. بۇل ءوز كەزەگىندە زالدا وتىرعانداردى دۇنيەجۇزىلىك دەنساۋلىق ساقتاۋ ۇيىمىنىڭ سانيتارلىق نورمالارىنا ساي ورنالاستىرۋعا مۇمكىندىك بەردى»، - دەدى نۇرلان نىعماتۋلين.

 

سوڭعى جاڭالىقتار