26 ناۋرىز, 10:12 186 0 ءبىلىم انار لەپەسوۆا

توتەنشە جاعداي كەزىندە مۇعالىمدەردى مەكتەپكە شاقىرعان ديرەكتورلار جازالاندى

قازاقستاندا جاريالانعان توتەنشە جاعداي كەزىندە جانە كوكتەمگى دەمالىس ۋاقىتىندا مۇعالىمدەردى مەكتەپكە جۇمىسقا شاقىرعان ديرەكتورلار جاۋاپقا تارتىلدى. بۇل تۋرالى قر ءبىلىم جانە عىلىم مينيسترلىگىنىڭ ءباسپاسوز قىزمەتى حابارلادى. 

«COVID-19 ينفەكتسياسىنىڭ تارالۋىن الدىن الۋ شارالارىن كۇشەيتۋ ماقساتىندا قابىلدانعان قر ءبىلىم جانە عىلىم ءمينيسترىنىڭ بۇيرىعىنا سايكەس، 16 ناۋرىزدان باستاپ ەلىمىزدەگى بارلىق پەداگوگتەر كوكتەمگى دەمالىس ۋاقىتىندا قاشىقتان جۇمىس ىستەۋى ءتيىس. الايدا، كەيبىر مەكتەپ باسشىلارى مۇعالىمدەردى جۇمىسقا شىعۋعا مىندەتتەگەن. بۇيرىقتى بۇزۋ فاكتىلەرى نەگىزىنەن تۇركىستان جانە الماتى وبلىستارىندا انىقتالدى. ۇستازداردى جۇمىسقا شاقىرتقان مەكتەپ باسشىلارىنا تارتىپتىك جازا قولدانىلدى»، - دەدى مينيسترلىكتەن.

قر بعم-نان اتاپ وتكەندەي، كوكتەمگى كانيكۋل كەزىندە مۇعالىمدەر ادىستەمەلىك جانە الداعى وقۋ پروتسەسىنە دايىندىقتى قاشىقتان اتقارا الادى. بۇل رەتتە، ولاردىڭ جالاقىسى تولىق كولەمدە ساقتالادى. «ياعني ۇيدەن جۇمىس ىستەۋ ۇستازداردىڭ ايلىعىنا اسەر ەتپەيدى»، - دەدى ۆەدومستۆودان.

 

سوڭعى جاڭالىقتار