25 ناۋرىز, 17:38 1043 0 جاڭالىقتار اسىل تۇمار

ءتورتىنشى توقسان: «بالاپان» مەن «ەل ارنادان» اپتاسىنا بەس كۇن ساباق وتەدى

سۋرەت عالامتوردان الىندى
سۋرەت عالامتوردان الىندى

قر ءبىلىم جانە عىلىم ۆيتسە-ءمينيسترى شولپان كارينوۆا Facebook پاراقشاسىندا ەلىمىزدە قاشىقتىقتان وقىتۋ جۇيەسىن ۇيىمداستىرۋدى جوبالاۋ كەڭسەسى قۇرىلىپ جاتقانىن جازدى. 

ۆەدومستۆو وكىلىنىڭ ايتۋىنشا، ءبىلىم جانە عىلىم مينيسترلىگىندە، ايماقتىق ءبىلىم بەرۋ باسقارمالارىندا قاشىقتىقتان وقىتۋ جۇيەسىن ۇيىمداستىرۋ بويىنشا جوبالاۋ كەڭسەسى قۇرىلىپ وتىر. بۇل رەتتە ىندەت كەزەڭىندە وقۋ ءۇردىسىن ۇيىمداستىرۋ بويىنشا ۋاقىتشا شارالار ەنگىزگەن كورشىلەس ەلدەردىڭ تاجىريبەسى، حالىقارالىق تاجىريبە زەردەلەندى. مەكتەپتەر مەن ۇستازدار ءۇشىن ءتيىستى ۇسىنىمدار دايىندالدى. ۇستازدار ءۇشىن ارنايى ونلاين، تەلە-كۋرستار، ۆەبينارلار ازىرلەندى.

«بۇعان قوسا، ۇستازدار مەن بالالارعا «بالاپان» جانە «ەل ارنا» تەلەارنالارىندا ءتورتىنشى توقسان باستالىسىمەن كۇندە 1-11 سىنىپ وقۋشىلارىنا اپتاسىنا بەس كۇن ساباق وتكىزىلەدى. قازىر وسى تەلە-ساباقتاردىڭ ارنايى ءتۇسىرىلىمى جۇرگىزىلۋدە. ول ساباقتار مەملەكەتتىك ستاندارت تالاپتارىنا، وقۋ باعدارلامالارىنا سايكەس قۇرىلعان. وقۋشىلار ءۇشىن 2 مىڭنان استام تەلە-ساباق دايىندالادى. بۇعان ۇلكەن كۇش جۇمسالۋدا»، – دەدى ۆيتسە-مينيستر.

ونىڭ اتاپ وتۋىنشە، تەلە-ساباق بارىسىندا نۇر-سۇلتان قالاسىنىڭ، نازارباەۆ زياتكەلىك مەكتەپتەرىنىڭ، رەسپۋبليكالىق، حالىقارالىق جانە جەكە مەكتەپتەردىڭ ۇزدىك ۇستازدارى ەلىمىزدىڭ بارلىق بالالارىنا ساباق بەرەدى.

«ۇستازدارعا تەك قولداۋ قاجەت. ۇستازدار مەن وقۋشىلارعا ءبىلىم الەمىندە جاڭا اسۋلاردى مەڭگەرۋ جولىندا تابىس تىلەيمىز»، – دەدى شولپان كارينوۆا.

سوڭعى جاڭالىقتار