25 ناۋرىز, 17:18 409 0 جاڭالىقتار اسىل تۇمار

قازاقستاندا 2 ەمدەلۋشى كوروناۆيرۋستان جازىلدى

سۋرەت عالامتوردان الىندى
سۋرەت عالامتوردان الىندى

«حابار 24» تەلەارناسىنىڭ تىكەلەي ەفيرىنەن قر اقپارات جانە قوعامدىق دامۋ ءمينيسترى داۋرەن اباەۆ قازاقستاندا 2 ەمدەلۋشى كوروناۆيرۋستان جازىلعانىن ايتتى.

«بريفينگتى جاقسى جاڭالىقتان باستاعىمىز كەلىپ وتىر. ەكى ەمدەلۋشى كوروناۆيرۋستان ايىقتى. قازىر ولار سوڭعى تەكسەرۋ ساراپتامالارىن تاپسىرۋدا. بۇيىرسا اۋرۋحانادان ەرتەڭ شىعادى. بۇل – ءبىزدىڭ كوروناۆيرۋسپەن كۇرەستەگى جەڭىسىمىز. باستى دۇنيە وسى دەپ ايتۋعا بولادى. ەڭ الدىمەن بۇل – دارىگەردىڭ جانكەشتى ەڭبەگىنىڭ جەمىسى. سوندىقتان ۇكىمەتتىڭ جانە بارشا قازاقستانىقتاردىڭ اتىنان مەدتسينا قىزمەتكەرلەرى مەن دەنساۋلىق ساقتاۋ مينيسترلىگىنڭ قىزمەتكەرلەرىنە العىس ايتۋعا رۇقسات ەتىڭىزدەر. كەز كەلگەن مامان ءۇشىن ەڭ باستىسى – ءوز ەڭبەگىنىڭ ناتيجەسىن كورۋ. سول ناتيجە ءۇمىت پەن قۋات بەرەدى»، – دەدى داۋرەن اباەۆ.

سوڭعى جاڭالىقتار