24 ناۋرىز, 20:37 267 0 جاڭالىقتار اسىل تۇمار

«Nur Otan»: يگىلىكتى ىستەر پارتياسى

نۇروتاندىقتار «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا تۇرعىندارعا كومەك كورسەتۋدى جالعاستىرۋدا.


­
ەڭ الدىمەن قاجەت ازىق-تۇلىك پەن گيگيەنالىق تاۋارلار عانا ەمەس، اۋىلشارۋاشىلىق ونىمدەرى دە جەتكىزىلىپ بەرىلۋدە.

قاراعاندى وبلىسى بويىنشا فەرمەرلەر وداعىنىڭ توراعاسى يگور جابياك 2000 كەلى كارتوپ، «ۆولىنكا» شارۋا قوجالىعىنىڭ باسشىسى دانيار ساكەنوۆ ازىق-تۇلىك جيىنتىقتارىن، ال كاسىپكەر ايدىن الباقاي 5000 كەلى سيىر ەتىن ءبولدى.

سيىر ەتى كوپبالالى وتباسىلارعا، ەرەكشە قاجەتتىلىكتەرى بار ازاماتتارعا جانە جالعىز باستى قارت ادامدارعا تاراتىلدى. وسىلايشا مىڭ وتباسى قامتىلدى.
­
«مەن ءوزىم كوپبالالى انا بولعاندىقتان، كومەك پەن قولداۋدىڭ قانشالىقتى ماڭىزدى ەكەنىن تۇسىنەمىن. ەڭ باستىسى، وسىنداي ۋاقىتتا تۋعان-تۋىسقانداردى عانا ەمەس، ءبىر-ءبىرىمىزدى دە ساقتاۋىمىز كەرەك»، – دەپ اتاپ ءوتتى مەرۋەش ەسىمدى كوپبالالى انا.

سوڭعى جاڭالىقتار