24 ناۋرىز 2020, 17:11 899 0 جاڭالىقتار اسىل تۇمار

توتەنشە جاعداي: الماتى وبلىسىندا كوكپار تارتقاندار ۇستالدى

سۋرەت عالامتوردان الىندى
سۋرەت عالامتوردان الىندى

الماتى وبلىستىق پوليتسيا دەپارتامەنتىنىڭ ءباسپاسوز قىزمەتى وسى وڭىردە توتەنشە جاعدايعا قاراماستان تۇرعىندار كوكپار ۇيىمداستىرعانىن حابارلادى.

قازاقپاراتتىڭ اقپاراتىنشا، بۇل ۆيدەو الەۋمەتتىك جەلىنى باقىلاۋ كەزىندە انىقتالعان. كوكپارشىلار شامالعان اۋىلىنىڭ جىبەك جولى كوشەسىندە كەشكى 17:00 شاماسىندا كوكپار تارتقان.

«قازىر بۇل ويىندى ۇيىمداستىرعان ادام ۇستالدى. ول 27 جاستاعى وسى اۋىلدىڭ تۇرعىنى بولىپ شىقتى. بۇل كىسى توتەنشە جاعدايدىڭ قانشالىقتى ماڭىزدى احۋال ەكەندىگىن دۇرىس تۇسىنبەگەن سياقتى. ول كوكپاردى ناۋرىز مەرەكەسىنە وراي ۇيىمداستىرعان. سونىمەن قاتار، تۇرعىندار زاڭعا قايشى، ياعني قارا جولدىڭ بويىندا دوداعا تۇسكەن»، – دەدى قاراساي اۋداندىق پوليتسيا باسقارماسىنىڭ باسشىسى اسحات دانيار.

بۇل دەرەك بويىنشا قر اقبك 476-بابى بويىنشا اكىمشىلىك ءىس قوزعالىپ، قاراساۋ اۋداندىق اكىمشىلىك سوتىنا جولداندى. قۇقىق بۇزۋشىنىڭ ارەكەتىنە سوت باعا بەرەتىن بولدى.

سوڭعى جاڭالىقتار