24 ناۋرىز 2020, 09:07 963 0 جاڭالىقتار اسىل تۇمار

اقتوبەدە انتيسەپتيكتىڭ ءتورت ءتۇرى وندىرىلۋدە

Cۋرەت عالامتوردان الىندى
Cۋرەت عالامتوردان الىندى

اقتوبە وبلىسى اكىمىنىڭ ءباسپاسوز قىزمەتى وڭىردە زالالسىزداندىرۋ جۇمىستارىنا ارنالعان سۇيىقتىق، انتيسەپتيك شىعارىلاتىنىن حابارلادى.

اقتوبە وبلىسىنىڭ اكىمى وڭداسىن ورازالين تۇرمىستىق حيميا ونىمدەرىن شىعارۋمەن اينالىساتىن تسەح جۇمىسىمەن تانىستى. بۇعان دەيىن تۇرمىستىق حيميا ءونىمىن شىعارعان كومپانيا ەندى دەزينفەكتسيا ونىمدەرىنىڭ 4 ءتۇرىن، ياعني، انتيسەپتيك، حلوروسەپتيك ازىرلەيدى. ونىمدەر وزبەكستان مەن رەسەيگە ەكسپورتتالادى.

وبلىس اكىمى سەرىكتەستىك باسشىسى ارىستانبەك جۇماباەۆقا ەڭ الدىمەن جەرگىلىكتى نارىقتى قامتاماسىز ەتۋدى تاپسىردى.

اقتوبەدە مەديتسينالىق بەتپەردە دە شىعارىلادى. ءدارى-دارمەك، 70-90% سپيرت تە بار. مۇندا ءار اۋىسىمدا 5 مىڭ دانا بەتپەردە دايىندالىپ جاتىر.

«ماڭىزدىسى – مەديتسينالىق جابدىقتاردىڭ سانىن ارتتىرۋ، وزىمىزدەن ارتىلعان جاعدايدا عانا باسقا ەلدەرگە تاسىمالداۋ. سونىمەن قاتار، قالاداعى حالىق كوپ جۇرەتىن ورىنداردى زالالسىزداندىرۋ جۇمىستارىن ۇزدىكسىز جۇرگىزىپ، قولدا بار مۇمكىندىكتى تولىق پايدالانۋ قاجەت»، – دەدى وڭداسىن ورازالين.

ءوڭىر باسشىسى Covid-19 جۇقپالى ىندەتىنە بايلانىستى ءوز جۇمىسىن باستاعان call-ورتالىققا دا باردى. مۇندا ون مامان ۇزدىكسىز قىزمەت كورسەتۋ تارتىبىندە جۇمىس ىستەپ جاتىر.

وبلىستىق اقپاراتتاندىرۋ جانە سىرتقى بايلانىس باسقارماسىنىڭ باسشىسى سەرگەي بەككەر وپەراتورلاردىڭ جۇمىسىمەن تانىستىردى. وندا كۇنىنە 100-گە جۋىق سۇراق تۇسەدى ەكەن.

سوڭعى جاڭالىقتار