23 ناۋرىز, 15:36 1415 0 الەۋمەت انار لەپەسوۆا

قازاقستاندىق دارىگەرلەر مەن پوليتسەيلەرگە سىياقى تولەنەدى

توتەنشە جاعداي كەزىندە كوروناۆيرۋسپەن كۇرەس جۇمىستارىنا تارتىلعان قىزمەتكەرلەرگە ءبىر رەتتىك سىياقى تولەنەدى. 

بۇل تۋرالى اقوردادا توتەنشە جاعداي جونىندەگى مەملەكەتتىك كوميسسيانىڭ وتىرىسىن وتكىزگەن قر پرەزيدەنتى قاسىم-جومارت توقاەۆ مالىمدەدى. 

"مەن ۇكىمەتكە جانە اكىمدىكتەرگە قوسىمشا قاراجات تاۋىپ، دارىگەرلەرگە، پوليتسيا قىزمەتكەرلەرىنە جانە كوروناۆيرۋسپەن كۇرەسكە تارتىلعان باسقا ماماندارعا ءبىر قىزمەتتىك جالاقى كولەمىندە سىياقى تولەنۋىن قامتاماسىز ەتۋدى تاپسىرامىن", - دەدى مەملەكەت باسشىسى. 

ايتا كەتەيىك، بۇعان دەيىن  ەلدەگى توتەنشە جاعداي كەزىندە جۇمىسسىز قالعان ازاماتتارعا جاردەماقى تولەنەتىنىن حابارلاعانبىز. 

قازاقستان پرەزيدەنتى  ۋاقىتشا تابىسىنان ايىرىلعان ادامدارعا شامامەن 1 ايلىق جالاقى (42 500 تەڭگە) كولەمىندە اي سايىن تولەۋدى تاپسىردى. 

مەملەكەت باسشىسىنىڭ ايتۋىنشا،  بۇل كومەكتى كەمىندە 1,5 ميلليون وتانداسىمىز الا الادى.

سوڭعى جاڭالىقتار