22 ناۋرىز, 20:07 306 0 دەنساۋلىق انار لەپەسوۆا

#SafeHands: ەلجان ءبىرتانوۆ كوروناۆيرۋستان قورعانۋدىڭ جولدارىن ايتتى

قر دەنساۋلىق ساقتاۋ ءمينيسترى ەلجان ءبىرتانوۆ ددسۇ باسشىسى باستاعان #SafeHands چەللەندجىن قولداپ، كوروناۆيرۋستان قورعانۋدىڭ قاراپايىم جولدارىن ايتتى. 

«قۇرمەتتى دوستار! دۇنيەجۇزىلىك دەنساۋلىق ساقتاۋ ۇيىمىنىڭ باسشىسى دوكتور تەدروس باستاعان #SafeHands چەللەندجدى مەن دە قولدايمىن! كوروناۆيرۋس ينفەكتسياسىن جۇقتىرماۋدىڭ وتە قاراپايىم جولدارىن ەسكە سالعىم كەلەدى. ەڭ الدىمەن قولدى ءجيى سابىنمەن 20 سەكۋند جۋ قاجەت. تومەندەگى ۆيدەوروليكتە قولدى دۇرىس جۋ ءادىسىن كورسەتەمىن. سونىمەن قاتار، مىناداي قاۋىپسىزدىك شارالارىن ساقتاعان ءجون: اسا قاجەت بولماسا ۇيدەن شىقپاۋعا تىرىسىڭىز; ءوزىڭىز قوناققا بارماڭىز جانە قوناق شاقىرماڭىز; بولمەلەردى كۇنىنە كەم دەگەندە 2 رەت جەلدەتىڭىز; ءۇيدى كۇندە ىلعال شۇبەرەكپەن تازالاڭىز. دەندەرىڭىزگە ساۋلىق تىلەيمىن!»،-دەپ جازدى مينيستر Facebook پاراقشاسىندا. 

 

سوڭعى جاڭالىقتار