22 ناۋرىز, 18:51 222 0 كولىك انار لەپەسوۆا

بەس مەملەكەتتەن مىڭداعان قازاقستاندىق ەلگە قايتارىلدى

كوروناۆيرۋستىڭ تارالۋىنا  بايلانىستى شەكارالارىن جاپقان بەس ەلدەن مىڭداعان قازاقستاندىق ەلىمىزگە جەتكىزىلدى. 

دەرەكتەرگە سۇيەنسەك، 21 ناۋرىزدا مىسىرداعى ديپلوماتتاردىڭ كۇش سالۋىمەن شارم-ەل-شەيحتەن الماتىعا 458 قازاقستان ازاماتى قايتارىلعان.

ءسىم-ءنىڭ Telegram ارناسىنداعى رەسمي پاراقشاسىندا بۇگىن، 22 ناۋرىزدا تۋريستىك ايماقتاردان ەۆاكۋاتسايالانعان ازاماتتار مىنگەن قوسىمشا رەيس ۇشىپ كەلەتىنى حابارلاندى.

سونىمەن بىرگە، 21 ناۋرىزدا جاپونياداعى قر ەلشىلىك قىزمەتكەرلەرى ەلگە ءتورت وتانداسىمىزدىڭ قايتۋىنا كومەكتەسكەن.

جالپى العاندا، سوڭعى تاۋلىكتەردە ەلشىلىك قىزمەتكەرلەرىنىڭ كومەگىمەن رەسەي، ءباا، گرۋزيا، جاپونيا، مىسىر سىندى مەملەكەتتەردەن ەلگە مىڭداعان ادام ورالعان.

شەت مەملەكەتتەردەگى وتانداستارىمىزدى ەلگە ەۆاكۋاتسيالاۋ جۇمىستارى جالعاسۋدا.

ايتا كەتەيىك، سوڭعى مالىمەت بويىنشا، ەلىمىزدە كوروناۆيرۋس جۇقتىرعاندار سانى 57 ادامعا جەتتى. نۇر-سۇلتاندا 31, الماتىدا 23, قاراعاندىدا 2, الماتى وبلىسىندا 1 ادامنىڭ ىندەتكە شالدىققانى انىقتالدى. 

سوڭعى جاڭالىقتار