22 ناۋرىز, 11:40 1770 0 كولىك انار لەپەسوۆا

كارانتين: نۇر-سۇلتان مەن الماتىعا كىرە الاتىن ازاماتتار ساناتى جاريالاندى

سۋرەت: sputniknews.kz
سۋرەت: sputniknews.kz

الماتى اكىمدىگى جانىنداعى توتەنشە جاعداي رەجيمىن قامتاماسىز ەتۋ جونىندەگى جەدەل شتاب قالاعا كىرىپ-شىعۋ بويىنشا جادىناما بەكىتتى.

ءدال وسىنداي ەرەجەلەر ەل استاناسىندا دا كۇشىنە ەندى.

ەنگىزىلگەن شەكتەۋلەر، راستايتىن قۇجاتىن كورسەتكەن جاعدايدا، مىناداي ازاماتتار مەن كولىكتەرگە قولدانىلمايدى:

الماتى اكىمدىگى جانىنداعى توتەنشە جاعداي رەجيمىن قامتاماسىز ەتۋ جونىندەگى جەدەل شتاب قالاعا كىرىپ-شىعۋ بويىنشا جادىناما بەكىتتى.

ءدال وسىنداي ەرەجەلەر ەل استاناسىندا دا كۇشىنە ەندى.

كارانتين جاريالانعان مەگاپوليستەرگە كىمدەر كىرە الادى

ەنگىزىلگەن شەكتەۋلەر، راستايتىن قۇجاتىن كورسەتكەن جاعدايدا، مىناداي ازاماتتار مەن كولىكتەرگە قولدانىلمايدى:

1) مەديتسينالىق كومەك جانە سانيتارلىق-ەپيدەميولوگيالىق قىزمەت، سونداي-اق مەديتسينالىق پەرسونال (دارىگەرلەر، مەدبيكەلەر، سانيتارلار). جۇرگىزۋشىلەر - ورتالىق دەرەكتەر بازاسىنا (ودب) سايكەس جەكە كۋالىگى بويىنشا;

2) ازاماتتىق قورعاۋ، ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قىزمەتكەرلەرى (ودب سايكەس جەكە كۋالىگى بويىنشا);

3) كوممۋنالدىق جانە اپاتتىق قىزمەتتەردىڭ قىزمەتكەرلەرى مەن كولىكتەرى (اۆتوكولىك مەملەكەتتىك ءنومىر بەلگىسى بويىنشا جانە ودب سايكەس جەكە كۋالىگى بار جۇرگىزۋشىلەر);

4) جەرلەۋ قىزمەتىنىڭ قىزمەتكەرلەرى مەن كولىگى (قازالى شەرۋ كەزىندە 20 ادامنان ارتىق جانە 4 كولىكتەن ارتىق بولماۋى ءتيىس);

5) جۇك جانە كەز-كەلگەن جۇك تۇرلەرىن تاسىمالداۋشى ترانزيتتىك كولىكتەر: كولىكتەر جۇك تيەلگەن نەمەسە بوس بولۋى مۇمكىن جانە جۇرگىزۋشىمەن بىرگە ءبىر جولاۋشىدان ارتىق ادام بولماۋى كەرەك;

6) ارناۋلى ينكاسساتور كولىگى;

7) قىزمەتتىك كۋالىگىن كورسەتكەن جاعدايدا الماتى قالاسى پوليتسيا دەپارتامەنتى، تجد، پروكۋراتۋرا، ۇقك دەپارتامەنتى، قازاقستاننىڭ مەملەكەتتىك كۇزەت قىزمەتى، سىبايلاس جەمقورلىققا قارسى ءىس-قيمىل جونىندەگى ۇلتتىق بيۋرو دەپارتامەنتىنىڭ قىزمەتكەرلەرى مەن كولىگى;

8) ۇلتتىق گۆارديانىڭ اسكەري ماماندارى، قارۋلى كۇشتەر جانە شەكارا قىزمەتىنىڭ (الماتى اسكەري گارنيزونى) قىزمەتكەرلەرى قىزمەتتىك كۋالىگىن نەمەسە اسكەري ءبولىم كومانديرىنىڭ قولى قويىلعان اسكەري بيلەتىن جانە ءتيىستى قۇجاتىن كورسەتكەن جاعدايدا; جەدەل قىزمەتتەگى اسكەريلەر تەك ارنايى اۆتوكولىكپەن;

9) قازاقستان اۋماعىنا بۇرىن كىرگەن شەتەلدىكتەردىڭ ەلدەن شىعۋى ءۇشىن;

10) بۇرىن شەت ەلگە شىعىپ كەتكەن قازاقستان ازاماتىنىڭ الماتى مەملەكەتتىك اۋەجايى ارقىلى ەلگە قايتۋى ءۇشىن;

11) ەرەكشە جاعدايلارداعى دەنساۋلىق ساقتاۋ ۇيىمدارىنىڭ راستايتىن قۇجاتتارى بار، الماتى قالاسىنان ەمدەلۋگە شىققان قازاقستان ازاماتتارى;

12) الماتى قالاسىنا شۇعىل ەمدەلۋگە كەلگەن باسقا وڭىرلەردىڭ تۇرعىندارى, ەرەكشە جاعدايلاردا مەديتسينالىق مەكەمەلەردىڭ راستايتىن قۇجاتتارى ۇسىنىلعان كەزدە;

13) مەديتسينالىق انىقتاما بويىنشا الماتى قالاسىنداعى مەديتسينالىق ورتالىقتاردان ەم الىپ شىققان باسقا ايماقتاردىڭ تۇرعىندارى;

14) مەديتسينالىق انىقتاما بويىنشا سابيىمەن الماتى قالاسىنداعى پەرزەنتحانادان شىعارىلعان ايەلدەر;

15) ەلىمىزدىڭ جانە شەت مەملەكەتتەردىڭ ديپلوماتيالىق قىزمەتىنىڭ قىزمەتكەرلەرى جانە ولاردىڭ وتباسى مۇشەلەرى، سونداي-اق قازاقستاننان شىعاتىن، سونىمەن بىرگە قازاقستان سىرتقى ىستەر مينيسترلىگىنىڭ شاقىرۋى بويىنشا شەت مەملەكەتتەر مەن حالىقارالىق ۇيىمدار دەلەگاتسيالارىنىڭ مۇشەلەرى;

16) پويىز جانە لوكوموتيۆ بريگادالارىنىڭ مۇشەلەرى، سونداي-اق تەمىرجول كولىگىمەن تاسىمالداۋ پروتسەسىنە قاتىساتىن ادامدار، اۋە كەمەلەرى ەكيپاجدارى (تيىستى مالىمەتتەر بازاسىنداعى جەكە كۋالىك بويىنشا);

17) قازاقستان ازاماتتارىنىڭ وتباسى مۇشەلەرى بولىپ تابىلاتىن شەت مەملەكەت ازاماتتارى بىر رەت الماتىعا كىرگەندە، ونىڭ وزىندە (وتباسىلىق قاتىناستار فاكتىسى راستالعان جاعدايدا – جۇبايى، اتا-اناسى جانە بالالارى);

18) اۋە جانە تەمىرجول ترانزيتىمەن جۇرگەن قازاقستان ازاماتتارى مەن شەت مەملەكەت ازاماتتارى, الماتى قالاسىنا كىرۋ/شىعۋ كەزىندە راستايتىن قۇجاتتار ۇسىنعان كەزدە;

19) الماتى قالاسىنا كىرىپ/شىققان جاعدايدا مەديتسينالىق انىقتامامەن كارانتيندىك وقشاۋلاۋدان وتكەن (جەدەل شتابتىڭ ورتالىق دەرەكتەر بازاسىنا سايكەس جەكە كۋالىگى بار) باسقا ايماقتاردىڭ تۇرعىندارى مەن شەت مەملەكەتتەردىڭ ازاماتتارى;

20) زەرتحانالىق قىزمەتتەردىڭ تالداۋ جۇرگىزۋگە جانە بيوقالدىقتارعا قاجەت بيوماتەريالداردى قالاعا جىبەرۋىنە رۇقسات ەتىلەدى. تەك ولاردى تاسىمالدايتىن اۆتوموبيلدەردىڭ قالاعا كىرۋىنە نە شىعۋىنا شەكتەۋ بار.

21) الماتى قالاسىنا ارنايى جاعدايلاردا الماتى قالاسى اكىمدىگى جانىنداعى توتەنشە جاعدايدى قامتاماسىز ەتۋ جونىندەگى جەدەل شتابتىڭ ارنايى رۇقساتىمەن كەلگەن قالاعا كىرىپ-شىعاتىن ادامدار.

 

سوڭعى جاڭالىقتار