22 ناۋرىز, 10:53 444 0 دەنساۋلىق انار لەپەسوۆا

سوڭعى تاۋلىكتە الەمدە 32 مىڭ ادام كوروناۆيرۋس جۇقتىرعان

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا سوڭعى تاۋلىكتە الەمدە 32 مىڭ ادام كوروناۆيرۋس جۇقتىرعان.

دۇنيەجۇزىندە ناۋقاستاردىڭ جالپى سانى 266 مىڭعا جەتتى. 11 مىڭنان استام ادام وسى دەرتتەن كوز جۇمدى.

يتاليادا كوروناۆيرۋستان قايتىس بولعاندار سانى ەسەلەنە ءتۇستى. سوڭعى تاۋلىكتە دەرتتەن 793 ادام كوز جۇمىپ، كەسەل قۇرباندارىنىڭ جالپى سانى 4825-كە جەتتى. ىندەت جۇقتىرعانداردىڭ قاتارى ءوسىپ بارادى.

جەرگىلىكتى بيلىك ۆيرۋستىڭ تارالماۋى ءۇشىن ەلدەگى اسا قاجەتتى ەمەس بارلىق ءوندىرىس ورىندارىن جاۋىپ تاستادى. تەك ازىق-تۇلىك ساتاتىن دۇكەندەر مەن ءدارىحانالار، سونىمەن قاتار قوعامدىق كولىك پەن بانكتەر جۇمىسىن جالعاستىراتىن بولادى. ايماققا وزگە ەلدەردەن مەديتسينالىق كومەك جەتكىزىلۋدە.

فرانتسيادا دا دەرتتىڭ تارالۋ اۋقىمى ارتىپ بارادى. ەلدە 12612 ادام كوروناۆيرۋس جۇقتىرىپ، 450 ناۋقاس كوز جۇمدى. ەلدىڭ دەنساۋلىق ساقتاۋ ءمينيسترى شەل مەملەكەتتەرگە 250 ملن ماسكاعا تاپسىرىس بەردى. 

سوڭعى جاڭالىقتار