25 قىركۇيەك, 19:15 846 0 جاڭالىقتار اسىل تۇمار

ەكىباستۇز قالاسىنا جاڭا اكىم تاعايىندالدى

پاۆلودار وبلىسى ەكىباستۇز قالاسىنىڭ اكىمى بولىپ ارداق قاڭتارباەۆ تاعايىندالدى.

پاۆلودار وبلىسى اكىمىنىڭ ءباسپاسوز قىزمەتى مالىمدەگەندەي، ەكىباستۇزدىڭ جاڭا اكىمىن قالا اكتيۆىنە ءوڭىر باسشىسى ابىلقايىر سقاقوۆ تانىستىردى.

ءا.سقاقوۆ ەكىباستۇز قالاسىنىڭ بۇرىنعى اكىمى ەرجان يمانزايىپوۆقا اتقارعان جۇمىسى ءۇشىن العىس ايتىپ، جاڭا باسشىنىڭ الدىنا بىرقاتار تاپسىرما جۇكتەدى.

«ەكىباستۇز – پاۆلودار وبلىسى ءۇشىن دە، بۇكىل ەل ءۇشىن دە ماڭىزدى قالالاردىڭ ءبىرى. جۇرتشىلىقپەن بىرگە ەكىباستۇزدى دامىتۋدىڭ ورتا مەرزىمدى باعدارلاماسىن ازىرلەۋ قاجەت. مۇندا ونەركاسىپتى عانا ەمەس، اۋىل شارۋاشىلىعىن دا دامىتۋ ءۇشىن ۇلكەن الەۋەت بار. ەڭبەك رەسۋرستارى بويىنشا ماسەلەلەر بار. سوندىقتان كادرلاردى دايارلايتىن جانە قايتا دايارلاۋدان وتكىزەتىن وڭىرارالىق وقۋ ورتالىعىنىڭ ساپالى جۇمىسىن ۇيىمداستىرۋ قاجەت. ماڭىزدى باعىت – ينۆەستيتسيا تارتۋ. پاۆلودار مەن استاناعا جاقىندىعى، سونداي-اق دامىعان كولىك ينفراقۇرىلىمى ۇلكەن ارتىقشىلىق بولىپ تابىلادى»، – دەپ اتاپ ءوتتى ابىلقايىر سقاقوۆ.

 

سوڭعى جاڭالىقتار