24 قىركۇيەك, 20:33 456 0 اتاجۇرت باقىتبەك قادىر

اباي شىعارمالارى موڭعول تىلىنە اۋدارىلدى

ۇلان-باتىر قالاسىنداعى موڭعوليا عىلىم جانە تەحنولوگيا ۋنيۆەرسيتەتىندە موڭ­عو­ليانىڭ ەڭبەك سىڭىرگەن مادەنيەت قايراتكەرى، جازۋشى، عىلىم دوكتورى، پروفەسسور سۇلتان ءتاۋ­كەيۇلىنىڭ 18 تومدىق شىعارمالار جيناعى­نىڭ تۇساۋكەسەرى ءوتتى. ونىڭ ءبىر تومى موڭعول تىلىنە اۋدارىلعان «ابايدىڭ قارا سوزدەرى» كىتابى.

اتالعان ءىس-شاراعا جەرگىلىكتى قازاق دياسپوراسىنىڭ وكىلدەرىمەن قاتار رەسمي قوناق رەتىندە قازاقستاننىڭ موڭعولياداعى ەلشىسى جالعاس ادىلباەۆ قاتىستى. اباي­دى موڭعول تىلىندە سويلەتكەن سۇلتان تاۋكەيۇلى عۇ­لامانىڭ شىعارمالارىنداعى فيلوسوفيالىق كوز­قاراسى مەن قوعامدىق پىكىرى تۋرالى وي بولىسە وتىرىپ، «ابايدىڭ قارا سوزدەرىن» موڭعول تىلىنە اۋدارۋ بارى­سىندا تۋىنداعان قيىندىقتار مەن اقىننىڭ جازۋ ەرەك­شەلىگى تۋرالى ەكجەي-تەكجەيلى باياندادى. سۇلتان ءتاۋ­كەيۇلىنىڭ شىعارماشىلىق كەشى بارىسىندا ەلشى ج.ادىلباەۆ ءىس-شاراعا قاتىسۋشىلاردى قازاقستان پرە­زي­دەنتى ق.توقاەۆتىڭ «جاڭا جاعدايداعى قازاقستان: ءىس-قيمىل كەزەڭى» اتتى جولداۋىمەن تانىستىرىپ، ەلى­مىزدە ءبىلىم مەن عىلىمعا باسا نازار اۋدارىلىپ وتىر­عانىن جەتكىزدى. سونداي-اق قازاقتىڭ ۇلى اقىنى جانە وي­شىل عۇلاماسى اباي قۇنانبايۇلىنىڭ 175 جىلدىق مە­رەيتويىن اتاپ ءوتۋ شەڭبەرىندە قازاقستاندىق تاراپ جۇرگىزىپ جاتقان ءىس-شارالار جونىندە كەڭىنەن ماعلۇمات بەردى.

سۇلتان تاۋكەيۇلى – ءوزىنىڭ سانالى ءومىرىن قازاق حال­قىنىڭ تاريحىن، سالت-ءداستۇرىن، ۇلتتىق بولمىسىن نا­سيحاتتاۋعا ارناعان، ۇلتجاندى قالامگەر.

سوڭعى جاڭالىقتار