24 قىركۇيەك, 19:35 353 0 اتاجۇرت ءدىلدا ۋاليبەك

ومبىدا «اباي» مادەني-ىسكەرلىك ءۇيى اشىلدى

ومبى قالاسىندا رەسەيدەگى قانداستارعا قولداۋ كورسەتەتىن «اباي» مادەني-ىسكەرلىك ءۇيى اشىلدى. ورتالىقتىڭ اشىلۋى ونلاين فورماتتا وتكىزىلدى. سالتاناتتى ءىس-شاراعا قازاقستاننىڭ اقپارات جانە قوعامدىق دامۋ ۆيتسە-ءمينيسترى م.ءازىلحانوۆ جانە رەسەي فەدەراتسياسى ومبى وبلىسى ۇكىمەتىنىڭ وڭىرلىك ساياسات جانە بۇقارالىق كوممۋنيكاتسيا ءمينيسترىنىڭ ورىنباسارى يۋ.نازارەنكو، قازاقستانىڭ ومبىداعى باس كونسۋلى ە.سۇگىربەكوۆ جانە «وتانداستار قورى» كەاق ۆيتسە-پرەزيدەنتى م.سارباسوۆ قاتىسىپ، ءوز قۇتتىقتاۋلارىن جەتكىزدى.

قازاق حالقىنىڭ تاريحىندا ومبى قالاسىنىڭ دا الار ورنى ەرەكشە. ۇلتىمىزدىڭ ۇلى تۇلعالارى شو­­قان ءۋاليحانوۆ، ماعجان جۇماباەۆ، ساكەن سەي­فۋل­لين قاتارلى قايراتكەرلەر ومبى قالاسىندا وقى­دى. دارىندى قازاق جاستارى ءبىلىم نارىمەن سۋسىن­دا­عان قالاعا ءبىر عاسىردان كەيىن قازاق مادەني-ءىس­كەر­لىك ور­تالىعى شاڭىراق كوتەردى. كوڭىلىمىزگە قۋانىش ۇيالا­تقان جانە ءبىر جاعداي «اباي» مادەني-ىسكەرلىك ءۇيى عي­ماراتى قالا ورتالىعىنداعى شوقان ءۋاليحانوۆ كو­شەسىنىڭ بويىندا جانە اعارتۋشى عالىم وقىعان ومبى كادەت كورپۋسىنىڭ جانىندا ورنالاسقان.

– ومبى قالاسىنداعى «اباي» مادەني-ىسكەرلىك ءۇيى­نىڭ اشىلۋىمەن بارلىق شەتتەگى قانداستار مەن وتانداستاردى قۇتتىقتايمىن. بۇل ءبىر تاريحي شارا. قا­زاقستان تاۋەلسىزدىك العاننان كەيىن شەتتەگى باۋىر­لارىمىزبەن بايلانىستى نىعايدى. جىل سايىن قان­داستارىمىزدىڭ قاتىسۋىمەن مادەني-گۋمانيتارلىق ءىس-شارالار ۇيىمداستىرىلىپ تۇرادى. «وتانداستار قورى» قۇرىلعالى بەرى قانداس باۋىرلارىمىزبەن جۇ­مىس جۇيەلى جۇرگىزىلۋدە. «اباي» مادەني-ىسكەرلىك ءۇيى ال­داعى ۋاقىتتا باسقا مەملەكەتتەردە دە اشىلاتىن بو­لادى، – دەيدى قازاقستان اقپارات جانە قوعامدىق دامۋ ۆيتسە-ءمينيسترى مارات الماسۇلى.

«اباي» مادەني-ىسكەرلىك ءۇيى 4 باعىت بويىنشا جۇ­مىس ىستەيدى. ءبىرىنشى، باعىتى مادەني-گۋمانيتارلىق ءجا­نە قازاق ءتىلىن ۇيرەتۋ جوبالارىن قامتيدى. ەكىنشى، «اتا­مەكەن» ىسكەرلىك باعىتى بويىنشا قانداستاردىڭ ەكى جاقتى ءتيىمدى بيزنەس جوبالارىنا قولداۋ كورسە­تىلە­دى. ءۇشىنشى، «جاس قازاق» باعىتى ارقىلى الەمدەگى جاس قانداستاردى ەلگە تارتۋ، بىرلەسكەن جوبالاردى جۇزە­گە اسىرۋ كوزدەلەدى. ءتورتىنشى «اتاجۇرت» باعىتى ارقىلى شەتەلدەگى قازاقتىلدى باق-تىڭ قاۋىمداستىعىن قۇرىپ، ءوزارا اقپاراتتىق ىنتىماقتاستىقتى ارتتىرۋ جوسپارلانىپ وتىر.

– ءبىز بۇگىن وتە قۋانىشتىمىز. سەبەبى قالامىزدا «اباي» مادەني-ىسكەرلىك ءۇيى اشىلىپ جاتىر. ورتالىق­قا جاقىن جەردە قازاقستاننىڭ ەلشىلىگى ورنالاسقان. ومبىدا ەلشىلىك اشىلعالى بەرى اتاجۇرتپەن باي­لانى­سىمىز جاقسارا ءتۇستى. ومبىداعى بەلسەندى جاستاردىڭ اتسالىسۋىمەن «ومبى قازاقتارى» دەگەن گازەتىمىز شىعىپ تۇرادى. «وتانداستار قورىمەن» ەكى جىلدان بەرى جۇمىس ىستەپ جاتىرمىز. بولاشاقتا دا تىڭ جوبالار مەن باعدارلامالاردى بىرگە جۇزەگە اسىرامىز دەگەن ۇمىتتەمىن، – دەيدى ومبىداعى «ميراس» قازاق ءتىلى مەن مادەنيەتىن دامىتۋ جانە ساق­تاۋ قورىنىڭ باسشىسى اسقار رايسوۆ.

«اباي» مادەني-ىسكەرلىك ءۇيى قازاقستان اقپارات جانە قوعامدىق دامۋ مينيسترلىگى، دۇنيەجۇزى قا­زاق­تارى قاۋىمداستىعى جانە «وتانداستار قورىنىڭ» بىرلەسكەن جوباسى نەگىزىندە جۇزەگە اسىپ، جىل سوڭىنا دەيىن وزبەكستاننىڭ تاشكەنت، تۇركيانىڭ ستامبۇل، قىر­عىز رەسپۋبليكاسىنىڭ بىشكەك، گەر­ما­نيانىڭ بەر­لين قالالارىندا اشىلادى دەپ جوس­پارلانۋدا.

باقىتبەك قادىر

 

سوڭعى جاڭالىقتار