23 قىركۇيەك, 19:57 327 0 قوعام انار لەپەسوۆا

جارمەڭكە: شقو جانە اقمولا وبلىستارى ەلورداعا 700 توننادان استام ءونىم اكەلەدى

شىعىس قازاقستان جانە اقمولا وبلىستارىنىڭ فەرمەرلەرى ەلورداداعى جارمەڭكەگە 732 توننا ءونىم اكەلەدى، دەپ حابارلادى اكىمدىكتىڭ رەسمي سايتى.

26 جانە 27 قىركۇيەكتە «حان-شاتىر» ساۋدا ويىن-ساۋىق ورتالىعىنىڭ جانىنداعى ۋچاسكەدە (قوناەۆ كوشەسى مەن تۇران داڭعىلىنىڭ قيىلىسى) شىعىس قازاقستان جانە اقمولا وبلىستارى وندىرۋشىلەرىنىڭ قاتىسۋىمەن جارمەڭكە وتەدى.

جالپى قۇنى 421 ميلليون تەڭگەدەن اساتىن 732 توننا اۋىلشارۋاشىلىق ءونىمىن ساتۋ جوسپارلانعان. وسىلايشا، فەرمەرلەر 293 توننا كارتوپ پەن كوكونىس، 117,5 توننا ەت جانە ەت ونىمدەرىن، 50 توننا ءسۇت ونىمدەرىن، 45 توننا بال، 40 توننا ۇن، 10 توننا وسىمدىك مايى، 9,3 توننا بالىق، 8 توننا قىمىز جانە ۇلتتىق ونىمدەر، 1,5 توننا جارما جانە 20 توننا باسقا ونىمدەردى ۇسىنادى.

بىرقاتار وڭىردەگى ەپيدەميولوگيالىق احۋالدى ەسكەرە وتىرىپ، تاۋىق ەتى مەن جۇمىرتقا قاۋىپسىزدىك ماقساتىندا جارمەڭكەدە ساتىلمايدى. جالپى، وڭىرلەر تاۋاردىڭ 65 ءتۇرىن نارىقتاعىدان 10-15 پروتسەنت تومەن باعامەن اكەلەدى.

ەستەرىڭىزگە سالا كەتەيىك، جارمەڭكەگە كەلۋشىلەر قاتاڭ سانيتارلىق-ەپيدەميولوگيالىق تالاپتاردى ساقتاۋى: ماسكا تاعىپ، اراقاشىقتىق ساقتاپ، مىندەتتى تۇردە انتيسەپتيك قولدانۋى كەرەك.

سوڭعى جاڭالىقتار