23 قىركۇيەك, 11:59 455 0 پرايمەريز انار لەپەسوۆا

پرايمەريز ۇمىتكەرلەرىنىڭ سايلاۋالدى باعدارلاماسىمەن QR-كود ارقىلى تانىسۋعا بولادى

زامانىنا قاراي امالى دەمەكشى، ساندىق تەحنولوگيالار «Nur Otan» پارتياسىنىڭ قىزمەتىن دە اينالىپ وتكەن جوق. ۋاقىت وتكەن سايىن ساياسي ۇيىم جۇمىسىن تسيفرلاندىرۋعا بۇرۋدا. ماسەلەن، كانديداتتار پارتياىشىلىك ىرىكتەۋ – پرايمەريزدىڭ ۇگىت-ناسيحاتتىق جۇمىسىندا كەڭىنەن قولدانۋدا.

بۇل باستامانى جەتىسۋلىق قاتىسۋشىلاردا قولعا العان. الماتى وبلىستىق پارتيا فيليالى توراعاسىنىڭ ءبىرىنشى ورىنباسارى جانبولات جورگەنباەۆتىڭ سوزىنشە، QR-كود قولدانۋ وتە ىڭعايلى، ءارى سمارتفونمەن قاجەتتى اقپاراتتى تولىعىمەن السا بولادى ەكەن.

«پارتيا زامان اعىمىنا قاراي زاماناۋي تەحنولوگيانى پايدالانۋ قاجەت. سول سەبەپتى دە، الماتى وبلىسىنداعى ۇمىتكەرلەرىمىز QR-كود قولدانۋ ارقىلى دا ۇگىت ناسيحات جۇمىستارىن جۇرگىزۋدە. وڭىرىمىزدە كەز كەلگەن تۇرعىن ۇمىتكەردىڭ تاراتپا قاعازداعى (بروشيۋرا) QR-كودپەن سمارتفونى ارقىلى تولىققاندى مالىمەت الىپ، سايلاۋالدى باعدارلاماسىمەن تانىسسا بولادى» - دەپ اتاپ ءوتتى.

جالپى، QR-كود انىقتاماسىنا توقتالىپ وتسەك، QR “Quick Response - شۇعىل جاۋاپ”. بۇل ءموبيلدى تەلەفوننىڭ كامەراسى ارقىلى جىلدام تانۋ ءۇشىن اقپارات بەرەتىن، ەكى ولشەمدى (بار كود) شتريح-كود. QR-كودتىڭ كومەگىمەن كەز كەلگەن اقپاراتتى كودتاۋعا بولادى.

ەسكە سالاتىن جايت، «Nur Otan» پارتياسى ۇيىمداستىرىپ جاتقان پرايمەريز، ياعني پارتياىشىلىك ىرىكتەۋ 17 تامىز بەن 3 قازان ارالىعىندا وتەدى. الماتى وبلىسىندا 1080 ۇمىتكەر قازىرگى تاڭدا باق-سىناسۋدا. ولار جەر جەرلەردە ۇگىت ناسيحات جۇمىسىن جۇرگىزىپ، پىكىر-سايىستارعا قاتىسۋدا. بۇگىنگى تاڭدا 60 مىڭعا جۋىق ادامنىڭ قامتىلۋىمەن 2000-عا جۋىق كەزدەسۋلەر ۇيىمداستىرىلعان.

سوڭعى جاڭالىقتار