22 قىركۇيەك, 12:45 419 0 جاڭالىقتار اسىل تۇمار

مينيستر عىلىمي جادىگەرلەردى تسيفرلاندىرۋدى تاپسىردى

ءبىلىم جانە عىلىم ءمينيسترى اسحات ايماعامبەتوۆ م.اۋەزوۆ اتىنداعى ادەبيەت جانە ونەر ينستيتۋتىنىڭ بارلىق جادىگەرى مەن قۇجاتىن تسيفرلاندىرۋدى تاپسىردى.

«قازاق ادەبيەتى مەن مەكتەپتەگى كىتاپحانالار بويىنشا ءتيىستى تاپسىرما بەرىلدى. ونى ارى قاراي جۇرگىزۋ كەرەك. ۇلتتىق عىلىم اكادەمياسىمەن بىرگە بۇل جۇمىستى سوڭىنا جەتكىزەمىز. ماڭىزدى ماسەلەنىڭ ءبىرى – تسيفرلاندىرۋ. ءبىز سىزدەردە جينالعان اۋقىمدى رۋحاني بايلىقتى، جادىگەرلەر مەن ۇلت مۇرالارىن تسيفرلاندىرۋىمىز كەرەك. ول ءۇشىن نە قاجەت؟ بىزگە وتىنىشتەرىڭىزدى جىبەرىڭىزدەر. ماسەلەنى رەتتەيمىز»، – دەدى مينيستر.

اسحات ايماعامبەتوۆ سونىمەن قاتار عىلىمي ينستيتۋتتاردىڭ ماقساتى – عىلىمي ىزدەنىس ەكەنىن، الايدا ولار ول جۇمىستان بولەك قوعاممەن جۇمىس جۇرگىزۋى كەرەكتىگىن ەسكە سالدى.

«قوعامدا بولىپ جاتقان ءارتۇرلى قۇبىلىستارعا ويىن ايتۋ، ساراپشى رەتىندە ارالاسۋ، شىن مانىندە كەز كەلگەن وقيعاعا عىلىمي نەگىز بەرۋ – وتە ماڭىزدى ماسەلە. ءبىزدىڭ عىلىمي زەرتتەۋ ينستيتۋتتارى وسى جۇمىستى ۇمىتپاۋى كەرەك. البەتتە، زەرتتەۋ – باستى جۇمىس. الايدا قوعامداعى وقيعالارعا عىلىمي نەگىزدە تۇسىنىك بەرىپ وتىرۋ ماڭىزدى»، – دەدى ول.

 

سوڭعى جاڭالىقتار