21 قىركۇيەك, 16:08 406 0 پرايمەريز انار لەپەسوۆا

اقمولالىق پرايمەريز كانديداتتارى ءوڭىردىڭ وزەكتى ماسەلەلەرىن كوتەردى

اقمولا وبلىسىندا پرايمەريز كانديداتتارى اراسىندا  پىكىرسايىس قىزا تۇسۋدە. بۇگىن جارقايىڭ اۋدانىندا وتكەن پىكىرسايىس الاڭىندا بەس كانديدات كەزدەسىپ وزدەرىنىڭ سايلاۋالدى باعدارلاماسىمەن تانىستىردى.

ساياسي دوداعا قاتىسۋشىلار اسىرەسە ءوز ايماقتارىنداعى ءتۇرلى تۇيتكىلدى ماسەلەلەردى كوتەرىپ، وڭتايلى شەشۋ جول­دارىن ورتاعا سالۋدا. كانديداتتاردىڭ ءبىرى جاس كاسىپكەرلەردى قولداۋدى، جاستارعا ءۇي سالۋ ماسەلەسىن كوتەرسە، كەلەسى كانديداتتار سىبايلاس جەمقورلىقپەن كۇرەس ماسەلەسىن ءوزىنىڭ سايلاۋالدى باعدارلاماسىنىڭ وزەگى رەتىندە كورسەتكەن. مەملەكەت باسشىسى قاسىم-جومار توقاەۆتىڭ  حالىق ۇنىنە قۇلاق اساتىن مەملەكەت بولۋى كەرەكتىگىن، ازاماتتاردىڭ بارلىق سىندارلى ءوتىنىش-تىلەكتەرىن جەدەل ءارى ءتيىمدى قاراستىرۋ قاجەتتىگىن جەتكىزدى.

جارقايىڭ اۋدانى ەلىمىزدىڭ استىقتى ولكەلەرىنىڭ ءبىرى. جالپى العاندا 600 مىڭ گەكتاردان استام ەگىستىك القابى بار ولكە ءۇشىن اۋىلشارۋاشىلىعى دامۋىنىڭ ماڭىزى زور ەكەنى بەلگىلى. سوندىقتان بولار، پرايمەريزگە قاتىسۋشى كانديتاتتار اۋىلشارۋاشىلىعى ماسەلەسىن نازاردان قالدىرعان ەمەس. دەبات بارىسىندا ەگىن، مال شارۋاشىلىعى  سالاسىنداعى وزەكتى ماسەلەرى تالقىلاندى.

سونداي اق، پاتريوتيزم مەن جاستار ماسەلەسى دە ايتىلدى. كانديداتتار ەل ءىشىن ارالاپ، تۇرعىنداردان جيناعان ۇسىنىس پىكىرلەردىڭ نەگىزى دە جاستار ماسەلەسى بولىپ وتىرعاندىعىن جەتكىزدى. بارلىق ۇسىنىستار اۋداندىق پارتيا فيليالىنىڭ سايلاۋالدى باعدارلاماسى مەن اۋداننىڭ دامۋ باعدارلاماسىنا ەنگىزىلمەك. سەبەبى ەل احۋالى حالىق قالاۋلىلارىنىڭ ۇدايى نازارىندا بولۋى ابدەن دۇرىس. ءوڭىردىڭ تىنىس-تىرشىلىگىنە ەتەنە قانىققاندا عانا ماسەلەلەردىڭ مانىسىمەن جەتە تانىسۋعا بولادى دەيدى پرايمەريز قاتىسۋشىلارى.

 

سوڭعى جاڭالىقتار