21 قىركۇيەك, 14:56 11742 0 قوعام انار لەپەسوۆا

قازاندا قاتاڭ كارانتين ەنگىزىلە مە – مينيسترلىك جاۋابى

ەلىمىزدە قازاندا قاتاڭ كارانتين ەنگىزىلۋى مۇمكىن بە؟ بۇل ساۋالعا  دەنساۋلىق ساقتاۋ مينيسترلىگىنىڭ رەسمي وكىلى باعدات قوجاحمەتوۆ جاۋاپ بەردى.

"بۇگىندە قازاقستاندا ورتا ەسەپپەن پتر ارقىلى اۋىرعاندارى راستالعان تۇرعىندار سانى 500-600 ادامدى قۇراپ وتىر. ەگەر بۇل كورسەتكىش كەنەتتەن 30 مىڭعا جەتسە، بۇل ەلدە قاتاڭ كارانتيندىك شارالار ەنگىزۋگە باستى سەبەپ بولادى", - دەيدى رەسمي وكىل.

باعدات قوجاحمەتوۆتىڭ سوزىنشە، وتاندىق دەنساۋلىق ساقتاۋ جۇيەسى ىندەتتىڭ ەكىنشى تولقىنىنا تاس-ءتۇيىن دايىن. قاجەتتىلىك تۋىنداعان جاعدايدا مينيسترلىك قازاقستان اۋرۋحانالارىندا 70 مىڭنان استام توسەك-ورىن ازىرلەۋگە قاۋقارلى دەيدى مامان.

ەسكە سالا كەتەيىك، وتكەن تاۋلىكتە ەلىمىزدە 45 ادامنان كوروناۆيرۋس انىقتالىپ, ىندەت جۇقتىرعانداردىڭ جالپى سانى  107 307-گە جەتتى. ىندەتتەن 102 مىڭعا جۋىق ادام ەمدەلىپ شىقتى. 1671 ناۋقاس قايتىس بولدى.

ال الەمدە كوروناۆيرۋس جۇقتىرعاندار سانى 31 ميلليونعا جۋىقتادى. ىندەت قۇرباندارىنىڭ سانى 959 مىڭنان اسىپ جىعىلدى.

سوڭعى جاڭالىقتار