17 قىركۇيەك, 10:21 430 0 جاھان انار لەپەسوۆا

COVID-19: چەحيادا انتيرەكورد تىركەلدى

چەحيادا ءبىر تاۋلىكتە كوروناۆيرۋس جۇقتىرۋدىڭ رەكوردتى كورسەتكىشى تىركەلدى، دەپ حابارلايدى cz.24.

ەلدە ءبىر تاۋلىك ىشىندە 1677 ادامنان كوروناۆيرۋس انىقتالدى. بۇل ءبىر كۇن بۇرىنعى كورسەتكىشتەن 639 ادامعا ارتىق. مەملەكەت استاناسىنداعى ەپيدەميولوگيالىق احۋال الاڭداتارلىق.  پراگادا سوڭعى ءبىر اپتادا 100 مىڭ تۇرعىنعا شاققاندا ىندەت جۇقتىرۋدىڭ 141 دەرەگى راستالعان.

چەحيانىڭ دەنساۋلىق ساقتاۋ مينيسترلىگىنىڭ مالىمەتىنشە، برنوداعى 52 ورىندىق ۋنيۆەرسيتەت اۋرۋحاناسىندا 30 ناۋقاس ەمدەلۋدە.

پاندەميا باستالعادى ەلدە بارلىعى 38 896 ادامنان كوروناۆيرۋس انىقتالدى. دەرتى اسقىنعان 476 ادام كوز جۇمدى. قازىرگى تاڭدا مەملەكەتتە ۆيرۋس جۇقتىرعان 15 807 ادام ەم قابىلداپ جاتىر.

ەسكە سالا كەتەيىك، بۇعان دەيىن وزبەكستاندا مۇعالىمدەر جاپپاي كوروناۆيرۋس جۇقتىرىپ، مەكتەپتەر قايتا جابىلعانىن حابارلاعانبىز. ەلدىڭ سامارقاند وبلىسىندا 250-گە تارتا، بۇقارا وڭىرىندە 200-دەن استام، ال ءاندىجان ايماعىندا 50 شاقتى ۇستازدىڭ ىندەت جۇقتىرعان.

سوڭعى جاڭالىقتار