16 قىركۇيەك, 20:31 407 0 جاڭالىقتار اسىل تۇمار

قالا تۇرعىندارى مەدەۋ مەن شىمبۇلاق جولىنىڭ ساپاسىنا شاعىمداندى

الماتى قالاسىنىڭ اكىمى باقىتجان ساعىنتاەۆ مەدەۋ مەن شىمبۇلاق جولىنىڭ جوندەۋ جۇمىستارى قاشان اياقتالاتىنىن ايتتى.

«الماتى» تەلارناسىنداعى Akimat Live باعدارلاماسىنىڭ تىكەلەي ەفيرىندە قالا تۇرعىندارى مەدەۋ مەن شىمبۇلاق جولىنىڭ ساپاسىز سالىنعانىنا شاعىمداندى.

«مەدەۋ مەن شىمبۇلاق – الماتىنىڭ عانا ەمەس، بۇكىل ەلدىڭ ماقتانىشى، برەندى. مەن ول جاققا باردىم. اسفالت قالاي توسەلگەن؟ مەنىڭ ويىمشا، وتە جاقسى. جۇمىس جالعاسىپ جاتىر. وسى جەردە سۇراق تۋىندايدى: قاجەت پە، جوق پا؟ جولدى ۇنەمى كۇتىپ ۇستاۋ كەرەك، اسىرەسە ءبىز بۇل جولدى قىس مەزگىلىندە ءجيى قولدانامىز. تاۋعا تۋريستەر مەن قالا تۇرعىندارى ءجيى بارادى. سوندىقتان قاۋىپسىزدىك ءبىرىنشى ورىندا»، – دەدى ول.

ونىڭ ايتۋىنشا، مەدەۋگە اپاراتىن جولدىڭ ءبىر بولىگى 2018 جىلى جوندەلگەن.

«اسفالتتا كوپتەگەن جارىقتار پايدا بولدى. سوندىقتان، ءبىز ورتاشا جوندەۋ جۇمىسىن جۇرگىزۋ جونىندە شەشىم قابىلدادىق. بەتون قورشاۋلارىن دا اۋىستىرۋ قاجەت. ءبىز تەك بۇلىنگەن جەردى رەتكە كەلتىرەمىز»، – دەدى اكىم.

ءسوز سوڭىندا باقىتجان ساعىنتاەۆ جوندەۋ جۇمىستارى جاقىن ارادا اياقتالاتىنىن ايتتى.

سوڭعى جاڭالىقتار