16 قىركۇيەك, 11:42 466 0 جاڭالىقتار ءدىلدا ۋاليبەك

قىرعىزستانمەن شەكارادا گەرويننىڭ ءىرى پارتياسى تاركىلەندى

قر قم قارجى مونيتورينگى كوميتەتىنىڭ جەدەل دەپارتامەنتى جانە جامبىل وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى «قاراسۋ» شەكارالىق بەكەتىندە قىرعىز ازاماتىنىڭ كولىگىنەن ەسىرتكى تاپتى. قىرعىزدىق ازامات گەرويندى شەكارادان الىپ وتپەك بولعان.

«كولىكتىڭ جۇك سالعىشىنان بال سالىنعان ىدىس انىقتالدى. شەلەكتىڭ قوس تۇبىندە جاسىرىن ورىندار ورناتىلىپ، مۇندا جالپى سالماعى 1872 گرامم بولاتىن اقشىل سارى ءتۇستى زاتى بار 2 پوليەتيلەننەن جاسالعان وراما انىقتالدى.

ساراپتاما ناتيجەسىنە سايكەس بۇل زات گەروين بولىپ شىقتى. قازىرگى ۋاقىتتا اتالعان فاكت بويىنشا قر قك 286-ب. 4-ب. سايكەس سوتقا دەيىنگى تەرگەۋ ءىسى قوزعالدى»، – دەپ جازىلعان قر قم قمك ءباسپاسوز قىزمەتىنىڭ حابارلاماسىندا.

ايتا كەتسەك، مۇنداي قىلمىس جاساعانى ءۇشىن جيىرما جىلعا نەمەسە ءومىر بويى باس بوستاندىعىنان ايىرۋ جازاسى تۇرىندەگى قىلمىستىق جاۋاپكەرشىلىك قاراستىرىلعان.

سوڭعى جاڭالىقتار