15 قىركۇيەك, 19:20 454 0 اتاجۇرت ءدىلدا ۋاليبەك

تۇركيا، انگليا، نيگەرياداعى قانداستاردىڭ قاتىسۋىمەن ونلاين باسقوسۋ ءوتتى

كوكشەتاۋ قالالىق اقپاراتتىق-كىتاپحانا جۇيەسىنىڭ ۇيىمداستىرۋىمەن تۇركيا، انگليا، پولشا، نيگەريا جانە رەسەي ەلدەرىندەگى ەتنيكالىق قازاقتارىنىڭ قاتىسۋىمەن «ۇلى دالانىڭ ۇلى ءتىلى» اتتى ونلاين بەينەكونفەرەنتسيا ءوتتى، دەپ حابارلايدى قالالىق مادەنيەت ءبولىمى.

بەينەكونفەرەنتسيادا ءسوز سويلەگەن «اتا-مەكەن» قازاق ۇلتتىق-مادەني قوعامدىق ۇيىمىنىڭ جەتەكشىسى سارسەنعالي قۇسپانوۆ ءتىل –  ۇلتتىڭ ماقتانىشى ەكەنىن اتاپ ءوتتى.

سونىمەن قاتار، بەينەكونفەرەنتسياعا تۇركيانىڭ انكارا قالاسىنداعى Gazi Üniversitesi ستۋدەنتى بالاۋسا بالشىق، نيگەريا مەملەكەتىنىڭ تۇرعىنى، ءتىل مامانى ابدۋلل كەريم جانە پولشا تۇرعىنى لاشىن تۇراپباەۆ وزدەرىنىڭ پىكىرلەرىن ءبىلدىردى.

ونلاين شارادا ءتىل ادامزاتتىڭ بايلىعى، ونەر، مادەنيەت جانە عىلىمدا ءتىل ارقىلى جوعارى جەتىستىكتەرگە قول جەتكىزۋگە بولاتىندىعى ايتىلدى. بەينەكونفەرەنتسيا بارىسىندا «ءتىل حالىق قازىناسى» اتتى كورمە، ينتەراكتيۆتى تاقتادا «ءتىلىم – مەنىڭ وزەگىم» بەينەروليك، اباي مەن احمەت بايتۇرسىنۇلىنىڭ تىلگە قاتىستى ايتقان دانالىق سوزدەرى ۇسىنىلدى.

 

سوڭعى جاڭالىقتار