15 قىركۇيەك, 18:52 424 0 جاھان انار لەپەسوۆا

بەيرۋتتا تاعى دا اپات: جاڭادان سالىنىپ جاتقان ساۋدا كەشەنى ورتەندى

ليۆان استاناسىندا تاعى دا توتەنشە جاعداي بولدى. بەيرۋت ورتالىعىندا جاڭادان سالىنىپ جاتقان ساۋدا كەشەنى وتقا وراندى.

«ال-ارابيا» تەلەارناسىنىڭ حابارلاۋىنشا، عيمارات قۇرىلىسى اتاقتى بريتان-يراك ساۋلەتشىسى زاحا ءحاديدتىڭ جوباسى بويىنشا جۇرگىزىلىپ جاتقان. ساۋدا كەشەنى بىرنەشە جىل بويى سالىنىپ، قۇرىلىسى اياقتالۋعا جاقىن قالعان كورىنەدى.

ابىروي بولعاندا ءورت سوندىرۋشىلەر ءتىلسىز جاۋدى دەر كەزىندە اۋىزدىقتاپ ۇلگەرگەن. زارداپ شەككەندەر تۋرالى اقپارات جوق.

ەسكە سالا كەتەيىك، 4 تامىزدا بەيرۋتتاعى پورتتا جويقىن جارىلىس بولىپ، 158 ادام قازا تاپتى، 5 مىڭنان اسا ادام زارداپ شەكتى.

جارىلىس كەسىرىنەن 250 مىڭعا جۋىق تۇرعىن باسپاناسىز قالدى. استىق قورىنىڭ 85 پروتسەنتى جويىلدى.  اپات ونسىز دا ەكونوميكالىق داعدارىستى باستان كەشىرىپ جاتقان مەملەكەت ءۇشىن ۇلكەن سوققى بولدى.

اپات سالدارىنان پورت جويىلىپ، سان مىڭداعان ءۇي قيراپ قانا قويماي، ۇلكەن كراتەر پايدا بولدى. مامانداردىڭ ەسەپتەۋىنشە، ونىڭ تەرەڭدىگى 43 مەتر.

سوڭعى جاڭالىقتار