15 قىركۇيەك, 18:16 657 0 جاڭالىقتار ءدىلدا ۋاليبەك

تۇرعىن ءۇي قۇرىلىسى سالاسىندا 27 الاياقتىق دەرەگى انىقتالدى

بۇل تۋرالى قارجى پيراميدالارىن قۇرۋعا بايلانىستى بريفينگتە ءىىم تەرگەۋ دەپارتامەنتىنىڭ باسشىسى سانجار ءادىلوۆ ءمالىم ەتتى.

«ۇلەسكەرلىك تۇرعىن ءۇي قۇرىلىسى سالاسىندا 27 الاياقتىق فاكت انىقتالدى. ولاردان كەلگەن شىعىن كولەمى 3 ملرد 200 ملن تەڭگەدەن اسادى.  بۇل قىلمىستىق ىستەر بويىنشا 305 ادامدى جابىرلەنۋشى دەپ تانىلدى»، – دەگەن ول ناقتى مىسالدارعا توقتالدى.

«نۇر-سۇلتان قالاسىنىڭ تەرگەۋ دەپارتامەنتى «شىعىس» تۇرعىن ءۇي كەشەنىنىڭ قۇرىلىسى بويىنشا الاياقتىق ءىستى تەرگەۋدە. بۇل ءىس بويىنشا 24 ادام جابىرلەنۋشى دەپ تانىلدى. الدىن الا بولجام بويىنشا 184 ملن 900 مىڭ تەڭگە شىعىن كەلتىرىلدى. سونىمەن قاتار نۇر-سۇلتاندا Expo New Life تۇرعىن ءۇي كەشەنىنىڭ ۇلەسكەرلەرىنەن ارىز ءتۇستى. شىعىن كولەمى 2 ملرد تەڭگەدەن اسادى»، – دەدى سانجار ءادىلوۆ.

سوڭعى جاڭالىقتار