15 قىركۇيەك, 18:36 419 0 قاۋىپسىزدىك ءدىلدا ۋاليبەك

قارۋلى كۇشتەردە «الداسپان-2020» كوماندالىق-شتابتىق وقۋ-جاتتىعۋ باستالدى

قارۋلى كۇشتەردە «الداسپان-2020» جەدەل-تاكتيكالىق كوماندالىق-شتابتىق وقۋ-جاتتىعۋ باستالدى، دەپ حابارلادى قورعانىس مينيسترلىگىنىڭ ءباسپاسوز قىزمەتى.

وقۋ-جاتتىعۋعا «وڭتۇستىك» وڭىرلىك قولباسشىلىعىنىڭ، دەسانتتىق-شابۋىلداۋ اسكەرلەرى مەن اسكەري-اۋە كۇشتەرىنىڭ باسقارۋ ورگاندارى مەن اسكەري بولىمدەرى تارتىلدى. اسكەر وقۋ-جاتتىعۋ دابىلىمەن كوتەرىلىپ، شتاتتىق تەحنيكامەن جامبىل وبلىسىندا ورنالاسقان «ماتىبۇلاق» پوليگونىنا باردى.

وقۋ-جاتتىعۋدىڭ نەگىزگى ماقساتى – زاڭسىز قارۋلى قۇرالىمدارعا قارسى كۇرەس كەزىندە بىرلەسكەن ءىس-قيمىلداردى پىسىقتاۋ. اسكەري مانەۆرلەر اۋدانىنا كەلگەن اسكەرلەر توبى، جەرگىلىكتى جەردى بارلاۋدى جۇزەگە اسىرۋى، وقۋ-جاتتىعۋ جاۋىنگەرلىك مىندەتىن الۋى، شارتتى قارسىلاستى انىقتاۋى، سونداي-اق داعدارىس اۋدانىندا تۇراقتىلىقتى قالپىنا كەلتىرۋ بويىنشا ارنايى وپەراتسيا جۇرگىزۋگە ءتيىس.

وقۋ-جاتتىعۋ بارىسىندا زاڭسىز قارۋلى قۇرامالارعا قارسى كۇرەستە ءوزىنىڭ تيىمدىلىگىن كورسەتكەن تانك بولىمشەلەرى مەن اسكەري اۆياتسيا كۇشتەرىن قولدانۋدىڭ جاڭا نىساندارى مەن ادىستەرىن پايدالانۋ جوسپارلانۋدا. وقۋ-جاتتىعۋ 23 قىركۇيەككە دەيىن جالعاسادى.

سوڭعى جاڭالىقتار