6 ماۋسىم 2020, 14:54 840 0 جاڭالىقتار اسىل تۇمار

مۇمكىندىگى شەكتەۋلى بالالارعا كۇش قولدانعان مۇعالىم جاۋاپقا تارتىلدى

سۋرەت عالامتوردان الىندى
سۋرەت عالامتوردان الىندى

ورالدا مۇمكىندىگى شەكتەۋلى بالالارعا كۇش قولدانعان مۇعالىم سوتتالدى، - دەپ جازدى قازاقپارات. 

بقو پروكۋراتۋراسىنىڭ ءباسپاسوز قىزمەتى ءمالىم ەتكەنىندەي، ورال قالاسى پروكۋراتۋراسى جۇرگىزگەن تالداۋ بارىسىندا مۇمكىندىگى شەكتەۋلى بالالاردى قيناۋ دەرەگى انىقتالدى.

وبلىستىق ەستۋ جانە سويلەۋ قابىلەتى بۇزىلعان بالالارعا ارنالعان مەكتەپ-ينتەرناتى كەشەنىنىڭ دەنە شىنىقتىرۋ ءپانىنىڭ مۇعالىمى ك. مۇمكىندىگى شەكتەۋلى جاسوسپىرىمدەردى دوپپەن ۇرىپ-سوعىپ، جۇيەلى تۇردە كۇش قولدانعان.

قالا پروكۋراتۋراسىنىڭ باستاماسىمەن ورال قالاسى پوليتسيا باسقارماسىنىڭ اباي ءبولىمى ك-گە قاتىستى قر قك 110-بابى 1-بولىگى 2-تارماعىنا (ۇدايى ۇرىپ-سوعۋ نەمەسە وزگە دە كۇش قولدانۋ ارەكەتتەرى ارقىلى ءتان زاردابىنا نەمەسە پسيحيكالىق زارداپ شەگۋگە ۇشىراتۋ) سايكەس سوتقا دەيىنگى تەرگەۋ امالدارىن جۇرگىزدى.

الايدا مۇمكىندىگى شەكتەۋلى بالالاردىڭ زاڭدى وكىلدەرى مەن اتا-انالارى تاراپىنان شاعىم تۇسپەۋىنە جانە قىلمىس قۇرامىنىڭ بولماۋىنا بايلانىستى ءىس توقتاتىلدى.

قابىلدانعان شەشىممەن پروكۋراتۋرا كەلىسكەن جوق. ك-عا قاتىستى قىلمىستىق ءىستى توقتاتۋ تۋرالى شەشىمنىڭ كۇشى جويىلىپ، سوتقا قايتا جولداندى. ورال قالالىق سوتىنىڭ ۇكىمىمەن بۇرىنعى مۇعالىم قر قك 140-بابى 2-بولىگىنە (كامەلەتكە تولماعان ادامعا قاتىگەزدىك تانىتىپ، ونى تاربيەلەۋ جونiندەگi مiندەتتەردi ورىنداماۋ نەمەسە تيىسىنشە ورىنداماۋ) سايكەس ايىپتى دەپ تانىلىپ، ول 80 ساعات كولەمىندە قوعامدىق جۇمىسقا تارتىلدى.

سوت ۇكىمى زاڭدى كۇشىنە ەنگەن جوق.

 

سوڭعى جاڭالىقتار