6 ماۋسىم 2020, 14:10 677 0 جاڭالىقتار اسىل تۇمار

جىل سوڭىنا دەيىن ەلىمىزدىڭ 99,3 پايىزى تۇرعىنى ينتەرنەتپەن قامتىلادى

تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى بيىل قازاقستانداعى 6 341 اۋىلدىڭ 5 163-ءى ينتەرنەتپەن قامتىلاتىنىن جاريا ەتتى، – دەپ جازدى قازاقپارات.

«بۇگىنگى تاڭدا، ەلىمىزدە 118 قالانىڭ تۇرعىندارى (بۇل شامامەن 11 ميلليون ادام) جانە 4 235 اۋىلدىق ەلدىمەكەن (بۇل تاعى 7 ملن ادام) ۇتقىر كەڭجولاقتى (ۇكجق) ينتەرنەتتى پايدالانا الادى. وسىلايشا، حالىقتىڭ 96 پايىزى ۇكجق-مەن قامتاماسىز ەتىلگەن. 2020 جىلدىڭ سوڭىنا قاراي تۇرعىن سانى 250 جانە ودان اساتىن حالقى بار اۋىلدى ەلدىمەكەندە 3G/4G ۇيالى بايلانىس جەلىلەرىن سالۋ جوباسىنىڭ شەڭبەرىندە 928 اۋىلداعى 600 مىڭنان استام تۇرعىندى (بارلىق حالىقتىڭ 3,3 پايىزى) ۇكجق ينتەرنەتپەن قامتاماسىز ەتۋ جوسپارلانۋدا»، – دەپ جاۋاپ بەردى مينيسترلىك.

اتالعان جوبانى ىسكە اسىرۋدىڭ ارقاسىندا 6 341 اۋىلدىڭ 5 163-ءى ينتەرنەتپەن قامتىلادى. جالپى 2020 جىلدىڭ سوڭىنا قاراي 3G جانە 4G ۇيالى بايلانىس جەلىلەرىن سالۋ ارقىلى ينتەرنەتپەن قامتىلعان حالىقتىڭ ۇلەسى 99,3 پايىزدى قۇراماق.

 

سوڭعى جاڭالىقتار