6 ماۋسىم 2020, 12:05 651 0 جاڭالىقتار اسىل تۇمار

ەكىباستۇزدا مەديتسينالىق ماسكا ءۇشىن توبەلەس بولدى

سۋرەت عالامتوردان الىندى
سۋرەت عالامتوردان الىندى

ەكىباستۇزدا كۇزەتشى ساۋدا ورتالىعىنا كەلگەن ازاماتتان ماسكا تالاپ ەتىپ، ال ورتالىققا كەلگەن ازامات كۇزەتشىنىڭ جاعاسىنان العان. وسىنىڭ سالدارىنان ورتالىقتا جانجال تۋىپ، ارتى توبەلەسكە ۇلاسقان. توبەلەسكە ساۋدا ورنىندا جۇرگەن وزگە ادامدار دا ارالاسقان، – دەپ جازدى قازاقپارات.

«اتالعان ساۋدا ۇيىنە كەلۋشى مەديتسينالىق ماسكاسىز كەلگەنى ءۇشىن كۇزەتشىدەن ەسكەرتۋ العان. سودان كەيىن ولاردىڭ اراسىندا جانجال تۋىنداعان»، – دەدى پاۆلودار وبلىستىق پوليتسيا دەپارتامەنتىنىڭ ءباسپاسوز حاتشىسى.

ونىڭ ايتۋىنشا، توبەلەستى كۇزەتشىدەن ەسكەرتۋ العان ادام باستاعان. سودان كەيىن جانجالعا باسقا دا جاستار قوسىلىپ كەتكەن. وقيعا كۋاگەرلەردىڭ ۇيالى تەلەفوندارىنىڭ بەينەكامەرالارىنا ءتۇسىپ قالعان. ولار قازىر الەۋمەتتىك جەلىلەردە جاريالانىپ جاتىر. كادردا كۇزەتشىگە ءۇش جاس ەر ادامنىڭ جابىلىپ جاتقانى كورسەتىلگەن. سودان كەيىن كۇزەتشىگە جاس جىگىت راتسيامەن كومەككە كەلىپ، توبەلەسۋشىلەردى اراشالاپ العان.

«قر قك 293-بابى («بۇزاقىلىق») بويىنشا سوتقا دەيىنگى تەرگەۋ باستالدى. تەرگەۋ شارالارى جۇرگىزىلۋدە»، – دەدى ج. بەليالوۆا.

جانجالعا قاتىسۋشى بارلىق ادام انىقتالدى.

سوڭعى جاڭالىقتار