28 مامىر 2020, 20:41 1294 0 ايماق انار لەپەسوۆا

اقتوبەدەگى حروم قوسپالارى زاۋىتىندا ءتورت ادام قايتىس بولدى

بۇگىن اقتوبەدەگى حروم قوسپالارى زاۋىتىندا حيميالىق قوسپانىڭ بۋىنا كۇيگەن ءتورت ادام قايتىس بولىپ، تاعى ەكى ادام اۋىر جاعدايدا اۋرۋحاناعا جەتكىزىلگەن. بۇل تۋرالى وبلىستىق پوليتسيا دەپارتامەنتىڭ ءباسپاسوز قىزمەتى حابارلادى. 

قايعىلى جاعداي "" اق №4 تسەحىنداعى 50 تەكشە مەترلىك بوشكەنى تازالاۋ كەزىندە​ ​ بولعان.

"اتالعان فاكتى بويىنشا وبلىستىق پد قىلمىستىق كودەكستىڭ 156-بابى 4-ءبولىمى (ابايسىزدا ەكى جانە ودان دا كوپ ادامنىڭ ولىمىنە اكەپ سوققان قاۋىپسىزدىك تەحنيكاسىن بۇزۋ) بويىنشا سوتقا دەيىنگى تەرگەۋدى باستادى. ءىستىڭ سەبەپتەرى مەن ءمان-جايلارى انىقتالۋدا. وقيعا ورنىندا پد، تجد قىزمەتكەرلەرى جۇمىس ىستەۋدە" ، - دەپ حاباردار ەتتى وبلىستىق پوليتسيا دەپتارمەنتىنىڭ ءباسپاسوز قىزمەتىنەن.

دارىگەرلەردىڭ اۋرۋحاناعا جەتكىزىلگەن ەكى جۇمىسشىنىڭ جانساقتاۋ بولىمىندە جاتقانىن ءمالىم ەتتى.

36 جانە 32 جاستاعى ەكى جۇمىسشىنىڭ دەنەسىن 30-60 پايىزعا دەيىن كۇيىك شالعان.

سوڭعى جاڭالىقتار