28 مامىر 2020, 17:31 728 0 جاڭالىقتار انار لەپەسوۆا

پاندەميا سالدارى: قازاقستاندىق تۋريزم تابىسىنىڭ 80 پايىزىن جوعالتۋى مۇمكىن

كوروناۆيرۋس ىندەتىنىڭ سالدارىنان قازاقستان ءتۋريزمى بيىل تابىسىنىڭ 70-80 پايىزىنان جوعالتپاق.

قر مادەنيەت جانە سپورت مينيسترلىگى تۋريزم يندۋسترياسى كوميتەتىنىڭ توراعاسى داستان رىسبەكوۆتىڭ ايتۋىنشا، 2019 جىلعى تۋريزم سالاسى قىزمەتتەرىنىڭ ەكسپورت كولەمى 2,5 ملرد اقش دوللارىن قۇراعان.

«پاندەميانىڭ وتاندىق تۋريزمگە كەرى اسەرى وتە زور بولاتىندىعىن اتاپ ءوتۋ كەرەك. ءبىزدىڭ ەسەپتەۋلەرىمىزگە سايكەس، شەكتەۋ شارالارىنىڭ ەنگىزىلۋىنە بايلانىستى بيىل كوشپەلى تۋريزم سالاسىنداعى شىعىن 70-80 پايىزعا جۋىقتايدى»، - دەدى داستان رىسبەكوۆ.

ايتا كەتەيىك، بۇعان دەيىن تۋريزم يندۋسترياسى كوميتەتىنىڭ توراعاسى ۇلتتىق تابيعي پاركتەردە ءتۋريزمدى دامىتۋ ءۇشىن ينۆەستورلار ىزدەستىرىلىپ جاتقانىن مالىمدەگەن.

ونىڭ سوزىنشە، «التىن ەمەل»، «كولساي كولدەرى» جانە «شارىن» مەملەكەتتىك ۇلتتىق تابيعي پاركتەرىن دامىتۋ بويىنشا جوسپار ازىرلەنگەن. ينۆەستورلار تابىلسا، ءتۋريزمدى تۇلەتۋ جۇمىستارى باستالماق.

سوڭعى جاڭالىقتار