28 مامىر 2020, 16:43 1270 0 ايماق ارايلىم بيمەنديەۆا

اتىراۋدا كوپبالالى وتباسىلارعا 119 جالدامالى پاتەر ساتىپ الىنادى

اتىراۋ وبلىسى قۇرىلىس باسقارماسى باسشىسىنىڭ مىندەتىن اتقارۋشى نۇرجان مىرزابولاتوۆتىڭ ايتۋىنشا، اتىراۋدا كوپبالالى وتباسىلار ءۇشىن ارەندالىق 119 پاتەر ساتىلىپ الىنباق.

«نۇرلى جەر» مەملەكەتتىك باعدارلاماسىنىڭ باستى ماقساتى – بىرەگەي تۇرعىن ءۇي ساياساتىن جۇزەگە اسىرۋ. اعىمداعى جىلدىڭ ءتورت ايىندا 1 312 پاتەر نەمەسە 152,6 مىڭ شارشى مەتر ءۇي پايدالانۋعا بەرىلدى. تۇرعىن ءۇي قۇرىلىسىن جالعاستىرۋ ماقساتىندا ايماقتا 1 400 گا بولاتىن اۋماق ءبولىندى. كوپ قاباتتى 513 تۇرعىن ءۇي قۇرىلىسىن سالۋ جوسپارلانىپ وتىر» دەدى نۇرجان مىرزابولاتوۆ.

قازىرگى تاڭدا وبلىستا 24 تۇرعىن ءۇي قۇرىلىسى، ياعني 2 258 پاتەر سالىنىپ جاتىر. ونىڭ ىشىندە جىل اياعىنا دەيىن 1 326 پاتەر، ياعني 10 ءۇي پايدالانۋعا بەرىلەدى دەپ كۇتىلۋدە.

سپيكەردىڭ ايتۋىنشا، وڭىرلەردى دامىتۋ باعدارلاماسى اياسىندا اتىراۋدا كوپ قاباتتى 128 ءۇي جوندەۋدەن ءوتتى. تەك وتكەن جىلى عانا جەرگىلىكتى بيۋدجەت ەسەبىنەن 13 ءۇي جوندەلدى.

سونىمەن بىرگە، «نۇرلى جەر» باعدارلاماسى اياسىندا 30 ۇيگە كۇردەلى جوندەۋ جاسالادى.

سوڭعى جاڭالىقتار