28 Qyrkúıek, 15:45 335 0 Jańalyqtar Asyl TUMAR

Almatyda jylý berý maýsymy bastaldy

Almatyda áleýmettik nysandarǵa búginnen bastap jylý berile bastady.

Qala ákimniń baspasóz hatshysy Áset Muqajanovtyń aıtýynsha, Almaty qalasy Energotıimdilik jáne ınfraqurylymdyq damý basqarmasynyń málimetine sáıkes, jylý jelileri men jylýmen qamtý júıeleri 100% daıyn.

Almaty ákimi Baqytjan Saǵyntaevtyń tapsyrmasyna sáıkes birinshi kezekte jylýǵa áleýmettik nysandar qosylady. Balabaqshalarǵa, mektepterge, densaýlyq saqtaý nysandaryna búgingi kúnnen bastap jylý tolyq qýatynda beriledi.

Turǵyn úıler osy apta ishinde jylý júıelerine qosylatyn bolady. Qalada barlyǵy bilim beretin – 144, densaýlyq saqtaý salasynyń 133 nysany jáne ortalyq jylý júıesine qosylǵan 8024 kóppáterli úı bar.

 

Sońǵy jańalyqtar