27 Qyrkúıek, 17:43 387 0 Jańalyqtar Asyl TUMAR

Jambyl oblysynda etnoaýyl salynady

Bul týraly óńirlik týrızmdi damytý jáne osy baǵytta kezdesip otyrǵan máselelerdi talqylaýǵa negizdelgen jıyn barysynda aıtyldy.

Onda  «Kóksaı» etnoaýylynyń jobasy tanystyrylyp, Kóksaı shatqalynan demalys ornyn ashqaly otyrǵan qojalyq ókili Nurmuhammed Isakov atqarylyp jatqan jumystarǵa toqtaldy.

«Ózimizdiń jeke ınvestorlyq esebimizden ashqaly otyrǵan demalys orynyna kıiz úıler ornatyp qoıdyq. Sol sekildi birqatar jumystar júrgizildi. Karantın shekteýleri alynǵan ýaqytta demalýǵa aıyna 2 jarym myń adam keldi. Eger joba tolyǵymen júzege asqan jaǵdaıda 80-100 adamdy jumyspen qamtımyz. Ol jerde 2 qonaqúı jáne sport kesheni, saıajaılar bolady. Jyldyń tórt mezgilinde de jumys isteýdi kózdep, jazda basseındermen qatar, qysta shańǵy tebý, syrǵanaq alańyn da júzege asyrmaqpyz. Jaıaý serýenmen qosa, atpen serýen jasaýdy da uıymdastyramyz. Bizge endigi keregi – 18 shaqyrym jolǵa asfalt tósep, gaz júrgizip berse deımiz. Basqa ınfraqurylymnyń bárin ózimiz jasap jatyrmyz», – dedi N.Isakov.

Onyń aıtýynsha, bul joba týrısterge tek demalys uıymdastyryp berýmen shektelmeı, ulttyq bolmysymyzdy da aıshyqtamaq.

Sońǵy jańalyqtar