27 Qyrkúıek, 13:07 377 0 Jańalyqtar Asyl TUMAR

Aýstralııada jaǵaǵa shyǵyp qalǵan júzdegen kıtti qutqarý toby teńizge qaıtardy

21 qyrkúıekte júzdegen kıt Aýstralııanyń Tasmanııa aralynyń batys jaǵalaýyna shyǵyp qaldy. Senbide tiri qalǵan 108 kıt teńizge qaıta jiberildi, – dep jazdy QazAqparat BBC-ge silteme jasap.

350-ge jýyq kıt ólgen. Bul kórsetkish Aýstralııanyń osy bóligindegi sútqorektilerdiń jappaı ólýiniń eń kóbi boldy.

Alaıda ekologtardyń aıtýynsha, qutqarý toby bes kún ishinde asa aýqymdy jumys jasaǵan. Bul kıtter - 7 m-ge deıin ósetin jáne salmaǵy 3 tonnaǵa deıin jetetin muhıt delfınderiniń bir túri, sondyqtan olardy teńizge keri qaıtarý óte qıyn.

Ǵalymdar top-tobymen júretin kıtterdiń keı kezderi jaǵaǵa ne úshin keletinin bilmeıdi, biraq olardyń kóshbasshynyń sońynan eretini, jaralanǵan nemese zardap shekken kıttiń aınalasyna jınalatyny belgili.

 

Sońǵy jańalyqtar